Fyrstu kaup? Þetta eru skrefin

  • Sparnaður

    Sparað fyrir fasteign

    Það er mikilvægt að byrja snemma að spara enda tekur langan tíma að byggja upp eigið fé til útborgunar við fyrstu kaup. Reglulegur sparnaður er markvissasta og árangursríkasta sparnaðarleið sem völ er á. Veldu sparnaðarleið sem hentar þér og fylgstu með upphæðinni vaxa og dafna. Hægt er að skrá reglubundinn sparnað á sparnaðarreikninga og sjóði í netbankanum. Við vekjum líka sérstaka athygli á séreignarsparnaði sem er ein hagkvæmasta sparnaðarleiðin sem er í boði í dag.

    Skattfrjáls ráðstöfun

    Heimilt er að taka út séreignarsparnað skattfrjálst, annað hvort til fasteignakaupa eða til að greiða inn á fasteignalán. Hver og einn getur nýtt úrræðið í 10 ár. Úrræðinu er ætlað að styðja við þá sem eru að kaupa sína fyrstu fasteign. Lesa nánar

  • Bráðabirgðagreiðslumat

    Bráðabirgðagreiðslumat

    Þegar þú byrjar að huga að fasteignakaupum er mikilvægt fyrsta skref að kanna fjárhagsstöðuna þína með því að fylla út bráðabirgðagreiðslumat og út frá því mati getur þú metið hversu dýra eign þú getur keypt. Opna bráðabirgðagreiðslumat

  • Finna eign

    Fasteignaleit

    Þegar bráðabirgðagreiðslumat liggur fyrir er hægt að byrja að skoða fasteignir. Þá skiptir máli að meta fleiri þætti en eingöngu verð, sem dæmi hversu stóra eign þarf, fermetraverð, fjölskyldustærð, þjónusta í nærumhverfi, almenningssamgöngur o.s.frv.

  • Bóka tíma í ráðgjöf

    Húsnæðislánaráðgjöf

    Við mælum eindregið með að bóka tíma hjá húsnæðislánaráðgjafa og gefa sér góðan tíma til þess að ræða við hann um greiðslugetu og hvernig best er að fjármagna væntanleg fasteignakaup.

  • Eign fundin

    Eign fundin

    Þegar búið er að finna fasteign sem áhugi er á þá er mikilvægt að fá einhvern til þess að taka út ástand hennar, það getur verið smiður eða þjónustuaðili sem sérhæfir sig í slíkri skoðun. Það er mjög algengt að setja inn fyrirvara um ástandsskoðun í kauptilboð.

  • Greiðslumat

    Greiðslumat

    Það er alveg sjálfvirkt og tekur aðeins nokkrar mínútur að fá greiðslumat.

  • Kauptilboð

    Kauptilboð

    Sé eignin fundin og búið að samþykkja kauptilboð þá er farið í gegnum formlegt greiðslumat og sótt um húsnæðislán. Hér þarftu endanlega að vera búin að ákveða hvernig lán þú ætlar að taka. Í kauptilboðinu ákveður þú einnig hvernig greiðslufyrirkomulagið verður. Oft er hluti af útborgun greiddur við undirskrift, hluti við afhendingu og síðan restin við afsal.

    Ef þú ætlar að nýta séreignasparnaðinn við útborgun þarftu að hafa í huga að það getur tekið allt að 8 vikur að fá hann greiddan út. En þú sækir um það þegar kaupsamningur er þinglýstur.

  • Lán

    Lánaskjöl útbúin

    Þegar þú hefur endanlega ákveðið þig eru viðeigandi lánsskjöl útbúin og þú ert látin vita þegar þau eru tilbúin til undirritunar en skjölin eru send beint á fasteignasala. Mikilvægt er að lesa þau vel yfir til þess að ganga úr skugga um að þau séu í samræmi við þínar óskir.

  • Þinglýsing

    Kaupsamningur og þinglýsing

    Þegar gerður er kaupsamningur fer löggiltur fasteignasali yfir helstu atriði hans með bæði kaupanda og seljanda, s.s. greiðslutilhögun, afhending eignar o.fl. Á þessu stigi málsins er mikilvægt að spyrja um allt sem þurfa þykir áður en undirritun fer fram.

    Þegar allir pappírar hafa verið undirritaðir eru lánsskjöl send í þinglýsingu. Húsnæðislánið er svo greitt út þegar bankanum berst þinglýst veðskuldabréf.

  • Afhending

    Afhending eignar

    Afhendingardagur eignar getur verið eitt af því mikilvægara sem samið er um í kaupsamningi og oftast afar mikilvægt að þær áætlanir standist.

  • Afsal

    Afsal

    Fasteignasali boðar til afsals þegar bæði seljandi og kaupandi hafa uppfyllt sínar skyldur samkvæmt kaupsamningi. Þetta getur tekið nokkra mánuði og þá geta hin eiginlegu eigendaskipti farið fram. Oftast fer lokagreiðslan fram við afsal en mikilvægt getur verið að halda einhverjum greiðslum eftir fram að þessum tímapunkti ef upp hafa komið einhverjir gallar sem ekki var vitað um við undirritun kaupsamnings.

    Ef allt er eins og það á að vera þá er lokagreiðslan greidd til seljanda og hann afsalar sér eigninni til kaupanda. Afsalið er svo sent í þinglýsingu. Eftir það ert þú orðinn þinglýstur eigandi eignarinnar og ferð með fullan ráðstöfunarrétt yfir henni

     

  • Greiða inná lán

    Nýttu séreignina

    Þú getur sótt um að nota séreignarsparnaðinn til að greiða beint inn á lán, hægt er að sækja úrræðið hér. Það eru tvær leiðir í boði fyrir fyrstu kaupendur til að greiða séreign inn á lán, Höfuðstólsleið eða Blönduð leið. Lesa nánar.

Svona eignast þú íbúð


Hér er farið yfir ferlið sem fylgir því að kaupa sína fyrstu eign. Allt frá því hvernig best er að byrja að spara fyrir fasteign til afhendingar.

Húsnæðislán


Við bjóðum bæði upp á verðtryggð og óverðtryggð húsnæðislán. Einnig er hægt að blanda þessum tveimur lánsformum saman. Kynntu þér ólíka eiginleika lánanna til að meta hvað hentar þér best.

Húsnæðislánareiknivél


Þú getur borið saman lánin og skoða greiðsluáætlun

Greiðslumat


Greiðslumat segir til um greiðslugetu þína á mánuði en það tekur aðeins örfáar mínútur að sækja um það