Húsnæðislán fyrir lántaka með tekjur í erlendri mynt

Íslandsbanki býður upp á húsnæðislán í íslenskum krónum fyrir lántaka með tekjur í erlendri mynt.

Greiðslumat

Umsækjendur sem eru með tekjur í erlendri mynt þurfa að uppfylla almenn skilyrði bankans og standast lánshæfis- og greiðslumat.  

Lántakar þurfa að standast greiðslumat miðað við að greiðslubyrði lána geti hækkað um 40%, samkvæmt lögum og reglum.

Sérstakar reglur gilda um greiðslubyrði húsnæðislána. Mánaðarleg greiðslubyrði má ekki vera hærri en 35% af útborguðum launum eða 40% hjá fyrstu kaupendum. Við útreikning á hámarksgreiðslubyrði er miðað við 40 ára lánstíma fyrir óverðtryggð lán og miðað við 25 ára lánstíma fyrir verðtryggð lán (þótt lánstími geti verið allt að 30 ár).

Lánsformin

  • Við bjóðum verðtryggð og óverðtryggð húsnæðislán með jöfnum greiðslum.

  • Hægt er að velja um óverðtryggða fljótandi (breytilega) vexti, óverðtryggða fasta vexti til 3ja eða 5 ára eða fasta verðtryggða vexti í 5 ár í senn. Sjá vexti í vaxtatöflu.

  • Við fasteignakaup lánum við allt að 80% af kaupverði eignar og allt að 70% af fasteignamati við endurfjármögnun.

  • Gott er að prófa sig áfram í húsnæðislánareiknivél til að bera saman möguleika og áætlaða greidslubyrði.

Húsnæðislán tengd erlendum gjaldmiðlum

Húsnæðislán í íslenskum krónum til neytanda sem fær tekjur sínar í erlendum gjaldmiðli telst „lán tengt erlendum gjaldmiðli“ samkvæmt fasteignalánalögum. Um slík lán gilda sérstakar reglur um upplýsingagjöf og greiðslumat sem eru frábrugðnar þeim sem gilda um hefðbundin húsnæðislán.

Samningur um fasteignalán er tryggður með veði eða annarri sambærilegri tryggingu í íbúðarhúsnæði. Breytingar á vöxtum, gengi erlendra gjaldmiðla eða vísitölu geta haft áhrif á heildarfjárhæð sem neytandi þarf að greiða.

Upplýsingaskylda bankans

Bankinn mun að lágmarki einu sinni á ári upplýsa neytanda um áhrif gengisbreytinga á fasteignalán sem telst tengt erlendum gjaldmiðli. Jafnframt mun bankinn senda neytanda aðvörun innan nokkurra daga ef eftirstöðvar láns eða reglulegar afborganir hækka um 20% eða meira miðað við gengi samkvæmt lánssamningi eða um 20% frá síðustu aðvörun, í samræmi við fasteignalánalög.

Greiðslur af láni

Afborganir af láninu skulu skuldfærast af reikningi hjá Íslandsbanka. Reikningurinn þarf að vera í íslenskum krónum.

Get ég sótt um húsnæðislán?

  • Einstaklingar sem vilja kaupa fasteign til eigin nota eða endurfjármagna núverandi lán á lögheimili geta sótt um húsnæðislán hjá okkur.
  • Lánað er gegn fyrsta veðrétti eða samfelldri veðröð frá og með fyrsta veðrétti.
  • Hver umsókn um lán er metin með tilliti til lánshæfis og virði íbúðarhúsnæðis. Sérstakar reglur gilda um lánveitingar umfram 75 m.kr.
  • Áður en lánsumsóknir eru samþykktar þurfa viðskiptavinir að standast lánshæfis- og greiðslumat hjá bankanum.
  • Húsnæðislán eru veitt gegn fullbúnu húsnæðis sem hafa náð byggingarstigi B4. Ef um nýbyggingar er að ræða er hægt að sækja um húsnæðislán þegar fasteign hefur náð fullnægjandi byggingarstigi.

Spurt og svarað