Question 1

Borgar sig að endurfjármagna?

Accepted Answer

Hvort endurfjármögnun borgi sig fer eftir aðstæðum hverju sinni. Mikilvægt er að fara yfir skilmála núverandi láns og meta þann kostnað sem getur fylgt endurfjármögnun, til dæmis uppgreiðslugjald. Þótt slíkt gjald leggist á getur endurfjármögnun samt verið hagkvæm ef lægri vextir á nýju láni vega upp kostnaðinn til lengri tíma. Ef þú vilt fá mat á því hvort endurfjármögnun henti þér geturðu bókað tíma hjá ráðgjöfum okkar. Við förum yfir stöðuna með þér og metum hvaða kostir henta þínum aðstæðum best.

Question 2

Býður Íslandsbanki upp á tryggingu?

Accepted Answer

Já, hægt er að fá lánalíftryggingu. Lánalíftrygging tryggir aðstandendum þínum bætur ef þú fellur frá á tryggingartímanum. Þú ákveður tryggingarfjárhæð sem greiðist inn á húsnæðislán þegar þú fellur frá. Líftryggingarbætur eru skattfrjálsar og verðtryggðar. Lesa nánar um Húsnæðisvernd.

Question 3

Er boðið upp á aukalán fyrir fyrstu kaupendur?

Accepted Answer

Við bjóðum upp á sérstakt aukalán að hámarki 7.000.000 kr. fyrir þá sem eru að kaupa húsnæði í fyrsta sinn. Nánari upplýsingar um lánið.

Question 4

Er hægt að festa vexti á láni sem ég er nú þegar með?

Accepted Answer

Það er ekki boðið upp á að festa vexti á þeim lánum sem viðskiptavinur er nú þegar með.

Question 5

Er óskað eftir verðmati?

Accepted Answer

Almennt er ekki þörf á að fá verðmat þegar húsnæðislán er veitt, en það getur þó verið óskað eftir verðmati í einhverjum tilfellum.

Question 6

Get ég fært lánið mitt yfir á nýja fasteign?

Accepted Answer

Já, það er hægt að sækja um veðflutning yfir á aðra eign vegna fasteignaviðskipta.

Question 7

Get ég greitt aukalega inn á lánið mitt?

Accepted Answer

Þú getur greitt aukalega inn á lán í netbanka. Lágmarksfjárhæð innborgunar er 1.000 kr. Með því að greiða inn á lánið getur þú stytt tímann sem það tekur þig að greiða lánið upp. Sjá nánari leiðbeiningar um innborgun.

Question 8

Get ég nýtt séreigninasparnaðinn minn í útborgun vegna fasteignakaupa og til að greiða inn á lán?

Accepted Answer

Þú getur sótt um að nota séreignarsparnaðinn til útborgunar vegna kaupa á fyrstu fasteign og til að greiða beint inn á lán. Hægt er að sækja um úrræðið hér. Það eru tvær leiðir í boði fyrir fyrstu kaupendur til að greiða séreign inn á lán: Höfuðstólsleið eða Blönduð leið. Lesa nánar.

Question 9

Get ég sótt um húsnæðislán?

Accepted Answer

Einstaklingar sem vilja kaupa fasteign til eigin nota eða endurfjármagna núverandi lán á lögheimili geta sótt um húsnæðislán hjá okkur. Lánað er gegn fyrsta veðrétti eða samfelldri veðröð frá og með fyrsta veðrétti. Hver umsókn um lán er metin með tilliti til lánshæfis og virðis íbúðarhúsnæðis. Áður en lánsumsóknir eru samþykktar þurfa viðskiptavinir að standast lánshæfis- og greiðslumat hjá bankanum. Húsnæðislán eru veitt gegn fullbúnu íbúðarhúsnæði. Húsnæði skal hafa náð byggingarstigi B4.

Question 10

Hvað eru umfram- og uppgreiðslugjöld?

Accepted Answer

Uppgreiðslugjald er sérstök þóknun sem bankinn innheimtir til að mæta þeim kostnaði sem hann verður fyrir þegar lántaki greiðir upp lán fyrir áætlaðan tíma eða lokagjalddaga þess. Umframgreiðslu- og uppgreiðslugjald er skv. verðskrá bankans hverju sinni og getur verið að hámarki 1%. Þú getur séð nánari upplýsingar í verðskrá bankans.  Húsnæðislán Íslandsbanka með föstum vöxtum bera uppgreiðslugjald á meðan vextir eru fastir en lán á breytilegum vöxtum bera ekkert uppgreiðslugjald. Þú getur alltaf greitt upp lán eða borgað aukalega inn á það hvenær sem er á lánstímanum, óháð því hvort lánið þitt beri uppgreiðslugjald eða ekki.  Þú getur greitt 1.000.000 kr. aukalega inn á húsnæðislán með föstum vöxtum á hverju ári (12 mánaða tímabili) án þess að borga umframgreiðslugjald. Ekkert umframgreiðslugjald er innheimt á húsnæðislánum sem eru á breytilegum vöxtum.

Question 11

Hvaða kostnað við lántöku ætti ég að hafa í huga?

Accepted Answer

Almennt lántökugjald húsnæðislána, óháð lánsfjárhæð, er 64.900 kr. Lántökugjald vegna fyrstu íbúðarkaupa er fellt niður. Þinglýsingargjald sem fylgir gjaldskrá sýslumannsembættis. Útgáfa á skuldabréfi. Greiðslumat. Veðbandayfirlit.

Question 12

Hvaða reglur gilda um greiðslubyrði húsnæðisláns miðað við tekjur?

Accepted Answer

Sérstakar reglur gilda um hversu stór hluti útborgaðra launa má fara í mánaðarlegar greiðslur af húsnæðisláni. Greiðslubyrðin má að jafnaði ekki vera hærri en 35% af útborguðum launum, en heimilt er að miða við allt að 40% hjá fyrstu kaupendum. Við útreikning á hámarksgreiðslubyrði er miðað við ákveðnar forsendur um vexti og lánstíma. Fyrir verðtryggð lán er miðað við 3% vexti og allt að 25 ára lánstíma, en fyrir óverðtryggð lán er miðað við 5,5% vexti og allt að 40 ára lánstíma.

Question 13

Hvar finn ég reglur um hámarksgreiðslubyrði fasteignalána miðað við tekjur?

Accepted Answer

Hér finnur þú reglur um hámark greiðslubyrðar fasteignalána í hlutfalli við tekjur neytenda.

Question 14

Hvenær er gott að endurfjármagna?

Accepted Answer

Ef vextir hafa lækkað frá því þú tókst lán upphaflega. Ef þú vilt lækka mánaðarlegar greiðslur. Ef þú vilt auka eignamyndun og greiða lánið hraðar niður. Ef þú vilt sækja um viðbótarfjármögnun á hagstæðum kjörum, t.d. vegna framkvæmda. Ef þú vilt skipta um lánstegund eða breyta lánasamsetningu.

Question 15

Hver er hámarks fjárhæð húsnæðislána Íslandsbanka?

Accepted Answer

Hámarksfjárhæð húsnæðislána er 75 m.kr. en sérstakar reglur gilda um lánveitingar umfram 75 m.kr.

Question 16

Hverjir geta sótt um húsnæðislán hjá Íslandsbanka?

Accepted Answer

Einstaklingar sem vilja kaupa fasteign til eigin nota eða endurfjármagna núverandi lán geta sótt um húsnæðislán hjá okkur.

Question 17

Hvernig virkar endurfjármögnun?

Accepted Answer

Umsóknarferlið er rafrænt og þú getur sótt um endurfjármögnun á netinu á nokkrum mínútum. Þú þarft að hafa rafræn skilríki til að sækja um endurfjármögnun á netinu.

Question 18

Hversu hátt lán get ég tekið?

Accepted Answer

Hámarksfjárhæð húsnæðislána er 75 m.kr. Ef þú þarft hærra lán getur þú pantað ráðgjöf hjá okkur og við skoðum málið með þér. Hámarkslán má ekki vera hærra en 10 milljónir yfir samtölu brunabótamats og lóðarmats eignar.

Question 19

Hvert er hámarks veðsetningarhlutfall við endurfjármögnun húsnæðislána?

Accepted Answer

Við endurfjármögnun lánum við 70% af fasteignamati.

Question 20

Hvert er lánshlutfallið?

Accepted Answer

Við lánum allt að 80% af kaupverði íbúðarhúsnæðis en fyrstu kaupendum stendur til boða sérstakt viðbótarlán upp á 7.000.000, en þó að hámarki 90% af kaupverði. Við endurfjármögnun lánar bankinn 70% af fasteignamati.

Question 21

Í hvaða tilfellum er ekki innheimt umframgreiðslu- og uppgreiðslugjald á húsnæðislánum?

Accepted Answer

Ekki er innheimt uppgreiðslugjald ef vextir á láninu eru breytilegir. Lán sem eru á breytilegum vöxtum bera ekki uppgreiðslugjald. Ekki er innheimt uppgreiðslugjald ef vextir láns eru jafnir eða lægri en vextir á nýjum sambærilegum lánum hjá Íslandsbanka.
Dæmi: Viðskiptavinur er með húsnæðislán á föstum vöxtum sem eru 4,5% í dag en ný húsnæðislán með föstum vöxtum bera 4,85%. Þar sem vextir á nýju láni eru hærri en á núverandi láni er ekki innheimt uppgreiðslugjald.

Question 22

Lánstími

Accepted Answer

Óverðtryggð húsnæðislán eru veitt til allt að 40 ára og verðtryggð húsnæðislán til 30 ára.

Question 23

Þarf ég að fara í greiðslumat ef ég ætla að endurfjármagna húsnæðislán?

Accepted Answer

Já, það þarf að fara í greiðslumat þegar verið er að endurfjármagna húsnæðislán. Þú getur sótt um greiðslumat og endurfjármögnun með rafrænum hætti.

Spurt og svarað um húsnæðislán