Stuðningur við fyrstu kaup
Fyrstu kaupendum stendur til boða að nýta sér skattfrjálst úrræði, í formi séreignasparnaðar, ef verið er að kaupa sína fyrstu eign.
Skattfrjáls ráðstöfun séreignarsparnaðar
Þann 1. júlí 2017 tóku gildi lög um stuðning til kaupa á fyrstu íbúð. Heimilt er að taka út séreignarsparnað skattfrjálst, annað hvort til fasteignakaupa eða til að greiða inn á húsnæðislán. Hver og einn getur nýtt úrræðið í 10 ár. Úrræðinu er ætlað að styðja við þá sem eru að kaupa sína fyrstu fasteign.
Viltu sækja um úrræðið?
Á vef RSK má finna upplýsingar um úrræðið. Þar getur þú einnig sent inn umsókn.
Nánari upplýsingar
Hámarksheimild á einstakling er kr. 500.000 á 12 mánaða tímabili
Hámarksheimild fyrir par er kr. 1.000.000 á 12 mánaða tímabili
Heimilt er að nýta það sem viðkomandi hefur safnað í séreignarsparnað frá 30. júní 2014
Hámarksheimild er 2% frá launagreiðanda og 4% af eigin iðgjaldi
Skilyrði úttektar á séreignarsparnaði er að rétthafi hafi ekki áður átt íbúð
Skilyrði að lánið veiti rétt til vaxtabóta og sé sannarlega húsnæðislán
Viðkomandi þarf að vera skráður fyrir að minnsta kosti 30% í fasteigninni
Þeir sem ekki hafa verið eigendur að íbúðarhúsnæði síðastliðin 5 ár geta talist fyrstu kaupendur og nýtt heimildir laganna.
Úrræðið skiptist í þrjár leiðir
Úrræðið skiptist í þrjár leiðir. Mögulegt er að velja á milli þessara leiða eða blanda þeim saman:
1. Sparnaðarleið
- Safnað fyrir útborgun
2. Höfuðstólsleið
- Regluleg innborgun á höfðustól láns
3. Blönduð leið
- Ráðstöfun iðgjalds sem afborgun inn á óverðtryggt lán og sem greiðslu inn á höfuðstól þess
- Ef þessi leið er valin fer iðgjald fyrstu 12 mánuði að fullu til greiðslu reglulegrar afborgana og vaxta á óverðtryggðu húsnæðisláni
- Þetta hlutfall lækkar svo um 10% á ári en hlutfall til greiðslu inn á höfuðstól láns hækkar á móti
Hver og einn getur nýtt úrræðið í 10 ár og er ætlað þeim sem eru að kaupa sína fyrstu fasteign
Einstaklingur sem er að kaupa sína fyrstu fasteign getur t.d. nýtt 5 ára uppsafnaðan séreignarsparnað til útborgunar og næstu 5 árin sem reglulega innborgun á húsnæðislán, svo lengi sem um samfellt 10 ára tímabil er að ræða.
Ætlar þú að kaupa fasteign eftir 1 ár eða meira?
Flestir sem ætla að nýta inneign í séreignarsparnaði til húsnæðiskaupa kjósa litlar sveiflur. Húsnæðisleið getur hentað ef kaupin eiga sér stað eftir 1 ár eða lengri tíma.
Ætlar þú að kaupa fasteign fljótlega?
Óverðtryggður lífeyrisreikningur getur hentað ef kaupin eru líkleg til að eiga sér stað innan árs.
Viltu vita meira?
Hér eru nokkur atriði sem gætu svarað þínum spurningum. Þú getur líka rætt við ráðgjafa á netspjallinu eða hringt í ráðgjafaver. Við svörum um hæl.