Börn og ungmenni
Hugsum til framtíðar og setjum markmið til lengri og skemmri tíma.
Vörur og þjónusta
Velkomin í viðskipti
Til að stofna til viðskipta þarf rafræn skilríki eða gild skilríki. Til þeirra teljast vegabréf, nafnskírteini eða ökuskírteini. ATH að stafræn ökuskírteini eru ekki samþykkt sem gild persónuskilríki.
Barn stofnar sjálft til viðskipta
Með rafrænum skilríkjum
Frá 12 ára aldri er hægt að stofna til viðskipta með rafrænum skilríkjum.
Aðgangur að netbanka og appi stofnast sjálfkrafa þegar vara er keypt, ef aðgangur er ekki til fyrir.
Snertilausar greiðslur eru aðgengilegar börnum 13. ára og eldri
Barn stofnar sjálft til viðskipta
Án rafrænna skilríkja
Komdu með gild skilríki í útibú og við leysum þetta saman.
Þegar barn er orðið 12 ára þarf forráðamaður ekki að vera með í för.
Ráðgjafar í útibúum okkar aðstoða þig við að stofna reikning.
Forráðamaður stofnar til viðskipta
Forráðamaður getur stofnað til viðskipta fyrir barn í sinni forsjá með því að senda fyrirspurn, mæta í útibú, hringja í ráðgjafaver eða hafa samband í gegnum netspjall.
Barn og forráðamaður þurfa að koma með gild skilríki ef þau koma í útibú.
Virkja kort fyrir börn yngri en 18 ára
Forráðamaður eða barn geta virkjað kort barns sem er undir 18 ára aldri (ófjárráða).
Það eru nokkrar leiðir til þess að virkja kort fyrir börn yngri en 18 ára:
- Í appi og netbanka barns er hægt að virkja kort og sækja PIN.
- Í gegnum netspjall með því að auðkenna sig með rafrænum skilríkjum.
- Með því að hringja í okkur og auðkenna sig með rafrænum skilríkjum.
- Með því að koma í útibú með löggild skilríki.
- Með því að senda auðkennda fyrirspurn á vefsíðu bankans. Senda fyrirspurn
Rafræn skilríki
Einstaklingar undir 18 ára aldri geta fengið rafræn skilríki með samþykki forráðamanns.
Það eru tvær leiðir fyrir einstaklinga undir 18 ára aldri til að fá rafræn skilríki:
- Annars vegar getur umsækjandi komið í útibú í fylgd forráðamanns. Koma þarf með gild skilríki (vegabréf, ökuskírteini, ekki stafrænu, eða íslensk nafnskírtein).
- Hins vegar geta forráðamenn samþykkt skilmála um rafræn skilríki fyrir einstaklinga yngri en 18 ára á vef auðkennis og þurfa þá ekki að fylgja umsækjandanum í útibúið. Barnið þarf að koma með löggild skilríki.
Sækja um rafræn skilríki fyrir börn undir 18 ára (á vef Auðkennis)
Tímalína
- Framtíðarreikningur hentar vel sem langtímasparnaður fyrir unga fólkið. Tilvalin gjöf frá ömmum, öfum, frænkum, frændum, systkinum og vinum.
- Börn sem leggja inn á Framtíðarreikning eða annan reikning í næsta útibúi fá eintak af bókinni Litla fólkið og stóru draumarnir.
- Öll börn á fermingaraldri geta fengið allt að 32.000 kr. mótframlag og Fríðugjöf frá Íslandsbanka.
- Ef lagt er inn 30.000 kr. á Framtíðarreikning fæst 6.000 kr. mótframlag frá bankanum, það sama gildir um ef keypt er í sjóðum Íslandssjóða.
- Ef lagt er inn meira en 30.000 kr. þá fæst 5% af upphæðinni í mótframlag frá bankanum, að hámarki 16.000 kr.
- Getur því mótframlagið orðið allt að 32.000 kr.
- Við hvetjum forráðamenn til þess að ákveða sparnaðarmarkmið með barninu og hugsa þannig sparnað til lengri og skemmri tíma.
- Það er góð venja að að leggja hluta af tekjum hvers mánaðar inn á sparnaðarreikning með það að markmiði að eiga fyrir óvæntum útgjöldum eða að spara fyrir einhverju ákveðnu hvort sem það er íbúð, nám eða eitthvað annað.
- Reglulegur/sjálfvirkur sparnaður er ein besta leiðin til að spara því þá millifærist ákveðin upphæð sjálfkrafa inn á annan reikning. Þú munt varla taka eftir því en þú munt þakka þér seinna meir þegar þú átt smá varasjóð.
- 16 ára og eldri sem eru í launaðri vinnu eða í vinnu á sumrin geta sótt um séreignarsparnað hjá okkur.
- Forráðamenn þurfa að undirrita samning um séreignarsparnað.
- Séreignarsparnað getur þú seinna meir ráðstafað skattfrjálst til að kaupa á fyrstu íbúð eða nýtt til greiðslu inná húsnæðislán.
0 ára
Framtíðarreikningur
Sparnaður í sjóðum
Gott er að nýta fleiri en einn sparnaðarkost en þannig má dreifa áhættunni og auka ávöxtunarmöguleika til framtíðar. Hægt er að ganga frá málunum með einföldum og þægilegum hætti hér fyrir neðan.
2 ára
Georg og félagar
Georg er ávallt til þjónustu reiðubúinn í Georgs öppunum að kynna yngsta hópnum fyrir tölu- og bókstöfunum sem og að kenna þeim á klukku í klukkuappinu.
9 ára
Fyrsta kort
Frá 9 ára aldri geta foreldrar og forráðamenn sótt um kort fyrir börnin sín. Ekkert árgjald og engin færslugjöld eru á debetkortum fyrir 9-23 ára.
Rafræn skilríki
Einstaklingar undir 18 ára aldri geta fengið rafræn skilríki með samþykki forráðamanns.
Sækja um rafræn skilríki fyrir börn undir 18 ára (á vef Auðkennis)
Netbanki og app
Netbanki og app bankans eru aðgengileg börnum frá 9 ára aldri.
13 ára
Fríða
Á 13. aldursári fá börn aðgang að Fríðu fríðindakerfi Íslandsbanka þar sem þú færð afslátt af vörum og þjónustu.
App og snertilausar greiðslur
Á 13. aldursári geta börn nýtt sér snertilausar greiðslur
Apple og Google Pay
Frá 13 ára aldri geta börn greitt með Apple og Google pay. Foreldri/forráðamaður þarf að gefa ólögráða barni leyfi gegnum sinn aðgang hjá Google pay.
14 ára
Ferming
Nánari upplýsingar og ráð sem snúa að fermingarárinu er að finna hér
Fyrsta vinnan
16 ára