Question 1

Ábending til lögaðila:

Accepted Answer

Vakin er athygli á því að það er mat Skattsins að þegar um er að ræða gjafir, þ.á. m gjafakort, til starfsmanna, sem hægt er að umbreyta beint í peninga, þá teljast slíkar gjafir alltaf skattskyldar hjá viðtakanda og frádráttarbærar hjá rekstraraðila sem kaupauki.

Question 2

Áreiðanleikakönnun

Accepted Answer

Á bankanum hvílir lagaskylda að þekkja viðskiptavini sína sbr. lög nr. 140/2018. Með því að reyna uppfylla þá kröfu eru viðskiptavinir beðnir um að svara áreiðanleikakönnun þegar þeir stofna reikning, taka lán, kaupa gjafakort o.s.frv. Á þetta bæði við um einstaklinga sem og lögaðila. Hjá lögaðilum þurfa stjórnarmenn, framkvæmdarstjóri og prókúruhafi og þeir eigendur sem eiga meira en 25% í lögaðilanum að hafa sannað á sér deili með löggildum skilríkjum (ökuskírteini, vegabréfi eða nafnskírteini, þá er einnig hægt að sanna á sér deili með rafrænum skilríkjum) áður en t.d. keypt er gjafakort fyrir lögaðila.

Question 3

Er hægt að fara yfir á kortinu?

Accepted Answer

Gjafakort Íslandsbanka er fyrirframgreitt kreditkort. Í hvert sinn sem kortið er notað er hringt inn eftir heimild og því ekki hægt að „fara fram yfir" á kortinu.

Question 4

Er hægt að fylla á inneign kortsins?

Accepted Answer

Einungis er hægt að setja innistæðu á kortið þegar það er keypt í upphafi og er kortið ónothæft þegar innistæðan klárast.

Question 5

Fylgir örgjörvi og PIN númer kortinu?

Accepted Answer

Nei, kortið er örgjörvalaust og ekkert PIN númer fylgir. Kortið er notað rafrænt með því að renna segulrönd þess í posa söluaðila hjá þeim verslunum sem leyfa segulrandastaðfestingu og undirskrift.

Question 6

Hvað ef keypt er fyrir hærri upphæð en innistæða kortsins leyfir?

Accepted Answer

Mikilvægt er að notandi viti alltaf hver innistæða kortsins er áður en það er notað. Ef korthafi reynir að kaupa fyrir hærri upphæð en innistæða gjafakortsins leyfir þá kemur synjun á kortið, þó að innistæða sé á því.

Question 7

Hvað geri ég ef ég glata gjafakortinu?

Accepted Answer

Þú hringir í þjónustuver Íslandsbanka (440 4000) og lætur loka kortinu. Til þess að hægt sé að loka kortinu er nauðsynlegt að vita númer kortsins og geta sýnt fram á að þú sért réttmætur eigandi þess. Þegar kortinu hefur verið lokað er hægt að fá eftirstöðvar kortsins endurútgefnar á nýtt kort.

Question 8

Hvað gerist ef það er inneign á gjafakortinu mínu eftir að gildistími kortsins rennur út?

Accepted Answer

Þú getur komið til okkar í næsta útibú með kortið meðferðis og fengið inneign kortsins greidda inn á bankareikning. Samkvæmt fyrningarlögum fyrnist innistæða á gjafakortum á 20 árum frá innlögn.

Question 9

Hvað gerist þegar innistæða kortsins klárast?

Accepted Answer

Þegar öll innistæða kortsins klárast er ekki lengur hægt að nota kortið sem greiðslumáta og korthafa er óhætt að henda kortinu. Ekki er hægt að setja nýja innistæðu á notuð gjafakort.

Question 10

Hvað kostar gjafakort?

Accepted Answer

Gjafakort Íslandsbanka kostar 350 kr.  Gjafakort Íslandsbanka og umbúðir kosta 350 kr. Endurútgefið gjafakort kostar 500 kr. Gjaldið er vegna kostnaðar við útgáfu kortsins og umbúða.

Question 11

Hvaða viðskiptavinir geta keypt gjafakort?

Accepted Answer

Viðskiptavinir Íslandsbanka sem eru 18 ára og eldri geta keypt gjafakort ef þeir eiga gilda áreiðanleikakönnun eða hafa svarað henni.

Question 12

Hvar get ég notað gjafakortið?

Accepted Answer

Kortið er hefðbundið greiðslukort sem hægt er að nota hjá verslunum um allan heim sem leyfa segulrandarlesningu, Apple Pay® og Google Pay. Hægt er að versla með kortinu á netinu hjá söluaðilum sem taka við Apple Pay® og Google Pay.

Question 13

Hvar get ég skoðað innistæðu og hreyfingar á kortinu?

Accepted Answer

Innistæða kortsins birtist næsta dag eftir kaup en hægt er að nota það strax. Stöðu kortsins og hvar það hefur verið notað er hægt að skoða hér ofar á síðunni eða með því að skanna QR kóðann aftan á kortinu. Færslur birtast næsta virka dag. Engin heimsend yfirlit fylgja kortinu.

Question 14

Hver er gildistími kortsins?

Accepted Answer

Gildistími er ávallt tvö ár í senn. Kortið endurnýjast ekki sjálfkrafa. Eftir að kortið rennur út hefur korthafi þrjá mánuði til þess að fá eftirstöðvar kortsins endurútgefnar á nýtt gjafakort samkvæmt verðskrá Íslandsbanka.

Gjafakort

Bættu gjafakortinu í veskið

Þægilegt við öll tilefni

Pantaðu gjafakort

Spurt og svarað

Viltu vita meira um kortin?

Debetkort

Kreditkort

Fríða