Einkabankaþjónusta
Eignastýring Íslandsbanka býður upp á sérsniðna og alhliða fjármálaþjónustu fyrir efnameiri einstaklinga og lögaðila.
Hafa samband
Viltu koma í þjónustu eða vantar þig ráðgjöf?
Láttu okkur sjá um fjármálin
Viðskiptavinir í einkabankaþjónustu hafa sinn eigin viðskiptastjóra
Greining á mögulegum tækifærum á fjármálamörkuðum
Njóttu bestu kjara og fríðinda sem bankinn býður að hverju sinni
Persónuleg tengsl og góð upplýsingagjöf
Við tökum mið af þinni þekkingu á fjármálamörkuðum og bjóðum upp á tvær þjónustuleiðir. Annars vegar eignastýringu, þar sem viðskiptastjóri sér um að halda utan um eignasafn þitt, og hins vegar fjárfestingaráðgjöf, þar sem þú færð ráðgjöf sem hentar þínum þörfum.
Eignastýring | Fjárfestingaráðgjöf |
Fyrir þá sem vilja að sérfræðingar sjái alfarið um eignasafn sitt | Fyrir þá sem hafa mikla þekkingu á fjármálamörkuðum |
Fjárfest eftir fyrirfram ákveðinni fjárfestingastefnu | Þú tekur virkan þátt í fjárfestingaákvörðunum |
Viðskiptastjórar
Viðskiptastjórar einkabankaþjónustu veita víðtæka ráðgjöf sem snýr að fjárfestingum og annarri fjármálaumsýslu og hafa aðgang að teymi fagmanna innan Íslandsbanka. Viðskiptastjórar eru einnig í samskiptum við innlenda og erlenda sérfræðinga sem leggja mat á einstaka markaði og horfur í hagkerfinu. Viðskiptavinir geta leitað til viðskiptastjóra hvenær sem þeim hentar í gegnum tölvupóst, síma eða með fundum.
Betri svefn
Það er hluti af góðri eignastýringu
Reynslan sýnir að það að hafa meira milli handanna skilar sér ekki endilega í betri svefni. Við uppskeru erfiðis, á borð við sölu á fyrirtæki eða hugverki, eða þegar eignir flytjast á milli kynslóða, birtast nýjar áskoranir, fjárfestingar og ráðstöfun fjármuna. Þá er gott að geta sest niður með traustum sérfræðingi til að ákvarða markmið með fjárfestingum, átta sig á heildarmynd eigna og aðstæðna og velja bestu leiðina í stöðunni til að standa vörð um og ávaxta fjármunina. Hafðu samband við okkur og saman komum við öllu í réttan farveg svo þú sofir rótt.
Fagfjárfestar
Fagfjárfestaþjónustan er sérsniðin fyrir lífeyrissjóði, aðra smærri sjóði, stofnanir og fyrirtæki. Sérfræðingar okkar sjá um að sníða þjónustuna að þörfum hvers viðskiptavinar.
Skoðaðu aðra möguleika
Hér eru meiri upplýsingar sem geta hjálpað þér að ávaxta þinn sjóð og ná markmiðunum þínum.
Fjárfestar eru eindregið hvattir til að kynna sér vel upplýsingar og reglur Íslandsbanka tengdar viðskiptum með fjármálagerninga.