Fasteignalífeyrir

Fasteignalífeyrir er lán fyrir fólk sem er komið á lífeyrisaldur eða styttist í töku lífeyris og vill auka mánaðarlegar ráðstöfunartekjur sínar með því að taka lán með veði í fasteign sinni. Meðan á lánstímanum stendur þarf ekki að greiða af láninu og lántaki velur hversu háa fjárhæð hann dregur á lánið í hverjum mánuði.

Með því að nýta verðmæti fasteignar þinnar getur þú losað um fjármagn og skapað meira svigrúm fyrir það sem skiptir þig máli, á sama tíma og þú heldur áfram að búa á núverandi heimili.

• Þar sem ekki er greitt af láninu þá hækkar höfuðstóll lánsins á lánstímanum
• Við lok lánstímans er lánið greitt upp eða endurfjármagnað
• Lánið er óverðtryggt og veitt á fljótandi húsnæðislánavöxtum sem samanstanda af stýrivöxtum að viðbættu 2,10% vaxtaálagi
• Lánað er á 1. veðrétt fasteignarinnar
• Lánstími er að hámarki til 10 ára