Við­bót­ar­lán vegna fast­eigna­kaupa eða fjár­mögn­un­ar

Viðbótarfasteignalán henta þeim sem kjósa að taka íbúðalán hjá lífeyrissjóði en þurfa viðbótarfjármögnun til að láta dæmið ganga upp, hvort sem það er vegna fasteignakaupa eða fjármögnunar.

Lánið er í formi óverðtryggðs skuldabréfs með breytilegum kjörvöxtum og eru vextir skv. vaxtatöflu.

Við lánum allt að 80% af kaupverði við fasteignakaup en 70% af fasteignamati við endurfjármögnun þegar kemur að viðbótarlánum á síðari veðrétti. Umsækjendur þurfa að uppfylla almennar lánareglur bankans og standast mat á greiðslugetu. Sérstakar reglur gilda þegar heildarlántaka á eigninni fer umfram 75 m.kr.

Til þess að sækja um þarf að fara í greiðslumat og velja ástæðuna önnur lán. Í kjölfarið mun starfsmaður lánaþjónustu hafa samband. Þú getur bókað tíma hjá einstaklingsráðgjafa okkar eða haft samband og við förum yfir stöðuna með þér. Hægt er að nota lánareiknivélina til að reikna út mögulegt lán.  

Get ég sótt um viðbótarlán?

  • Einstaklingar sem vilja kaupa fasteign eða endurfjármagna  á núverandi fasteign og kjósa að taka íbúðalán hjá lífeyrissjóði en þurfa viðbótarfjármögnun geta sótt um viðbótarlán hjá okkur.
  • Sótt er um með því að fara í gegnum greiðslumat og velja önnur lán. Í kjölfarið á umsókn hefur starfsmaður lánaþjónustu samband.
  • Hver lánaumsókn er metin á grundvelli lánshæfis umsækjanda og virðis íbúðarhúsnæðis.
  • Lánin bera óverðtryggða kjörvexti skv. vaxtatöflu að viðbættu álagi 1,5% miðað við hámarksveðsetningu.
  • Áður en lánsumsóknir eru samþykktar þurfa viðskiptavinir að standast lánshæfis- og greiðslumat hjá bankanum.
  • Sérstakar reglur gilda um hlutfall mánaðarlegra afborgana af húsnæðisláni miðað við útborguð laun. Mánaðarlegar greiðslur af húsnæðisláni mega ekki nema meira en 35% af útborguðum launum og 40% hjá fyrstu kaupendum. Við útreikning á hámarksgreiðslubyrði er miðað við lágmarksvexti og ákveðinn lánstíma: 3% vexti og að hámarki 25 ára lánstíma og 5,5% vexti og að hámarki 40 ára lánstíma fyrir óverðtryggð lán.
  • Hámarkslán má ekki vera hærra en 10 milljónir yfir samtölu brunabótamats og lóðarmats eignar.