Athugið

Þessi frétt er meira en sex mánaða gömul og tölfræði gæti hafa breyst

Íslandsbanki býður upp á græn húsnæðislán

Eigendum vistvæns húsnæðis býðst afsláttar á vöxtum og lán án lántökugjalda hjá Íslandsbanka.

Íslandsbanki býður nú viðskiptavinum sínum nýja tegund húsnæðislána, Græn húsnæðislán. Með grænum húsnæðislánum geta viðskiptavinir fengið hagstæðari kjör á húsnæðislánum við fjármögnun á vistvænu húsnæði sem hlotið hefur viðurkennda umhverfisvottun.

Græn húsnæðislán falla undir sjálfbæran fjármálaramma Íslandsbanka og endurspeglar áherslu bankans að bjóða upp á grænar vörur sem hvort í senn nýtast viðskiptavinum og hafa jákvæð umhverfis- og samfélagsleg áhrif.

Ekkert lántökugjald er innheimt vegna grænna húsnæðislána. Auk þess veitir Íslandsbanki vaxtaafslátt af húsnæðislánakjörum ef eignin er vistvottuð. Vistvottun felur meðal annars í sér Svansvottun eða BREEAM - Very good vottun. Fjöldi vistvottaðra húsnæða hér á landi hefur aukist á undanförnum árum og gera má ráð fyrir að þeim fjölgi enn frekar samhliða áherslum á sjálfbærni í samfélaginu. 

Þeir viðskiptavinir sem þegar eru með áhvílandi lán frá bankanum á vistvottaðri eign geta haft samband við bankann og sótt um vaxtaafslátt. Hægt er að nálgast frekari upplýsingar um Græn húsnæðislán hér á vef Íslandsbanka.

Íslandsbanki hefur sett sér það markmið að veita ávallt bestu bankaþjónustu á markaði og vera hreyfiafl til góðra verka.  Að stuðla að fjölgun vistvænna fasteigna, sem byggðar eru á hringrásarhönnum, er eitt af þeim stóru skrefum sem við getum tekið í átt að betri framtíð.  Með því að veita vistvæn húsnæðislán án lántökugjalda og á hagstæðari vaxtakjörum leggur Íslandsbanki lóð sitt á vogaskálina í þeim tilgangi að hafa jákvæð áhrif á samfélagið og umhverfið. Viðskiptavinir okkar hafa tekið vel í þær grænum fjármálalausnir sem við höfum boðið upp á og við væntum þess að græn húsnæðislán hljóti sömu móttökur.

Sigríður Hrefna Hrafnkelsdóttir,
Framkvæmdastjóri Einstaklingssviðs Íslandsbanka