Íslandsbanki tekur á móti tilgreindri séreign í fjárfestingarleiðina Stýring A.

Tilgreind séreign er tegund séreignarsparnaðar sem varð til í kjölfar kjarasamninga á milli ASÍ og SA. Þeir sem eiga rétt á tilgreindri séreign geta ráðstafað allt að 3,5% af mótframlagi launagreiðanda í tilgreinda séreign.

Helstu staðreyndir um tilgreinda séreign:

• Erfist að fullu
• Ekki aðfararhæf við gjaldþrot
• Útgreiðsla fer eftir reglum samtryggingarsjóðs viðkomandi viðskiptavinar
• Ekki hægt að nýta tilgreinda séreign fyrir útborgun á húsnæðiskaupum eða inn á lán

Móttaka tilgreindrar séreignar

Mikilvægt er að þú ákveðir hvernig þú vilt ráðstafa þinni tilgreindu séreign. Tilgreindri séreign er ráðstafað í samtryggingarsjóð en þér er frjálst að óska eftir því að tilgreindu séreign verði ráðstafað til þess vörsluaðila sem þú vilt, rétt eins og með annan séreignarsparnað.

Útborgun á tilgreindri séreign

Um útborgun á tilgreindri séreign sbr. 1. mgr. 5. gr. laga nr. 129/1997 gilda sömu reglur og gilda myndi fyrir séreignarhluta í þeim lífeyrissjóði sem viðskiptavinur greiðir samtryggingarhluta iðgjalds síns til, sbr. 7. gr. reglugerðar nr. 391/1998. Þú getur sótt um útborgun á tilgreindri séreign hér.

Ef þú ert ekki með tilgreinda séreign hjá Íslandsbanka

Þú getur óskað eftir að ráðstafa tilgreindri séreign til Íslandsbanka með því að ganga frá samningi hér.

Ef þú ert ekki með séreignarsparnað hjá Íslandsbanka

Ef þú vilt vera með allt á einum stað getur þú stofnað séreignarsparnað hjá Íslandsbanka með einföldum hætti hér.

Þú getur haft samband við ráðgjafa okkar í Verðbréfa- og lífeyrisþjónustu í síma 440 4000, í netspjalli eða sent tölvupóst á sereign@islandsbanki.is.