Vaxtagreiðsluþak
Vaxtagreiðsluþak er þjónusta sem veitir þeim viðskiptavinum sem slík ákvæði hafa í skilmálum óverðtryggðra húsnæðislána skjól fyrir sveiflum í greiðslubyrði við hækkun vaxta.
Hvernig virkar vaxtagreiðsluþak?
Þú velur vaxtagreiðsluþakið sjálf(ur). Það verður þó að vera yfir 7,5% ársvöxtum, sem er lágmarkið fyrir grunnlán en 8% fyrir viðbótarlán.
Ef vextir lánsins hækka umfram það vaxtagreiðsluþak sem þú hefur valið tekur vaxtagreiðslan mið af því þaki, en sú upphæð sem ber á milli ríkjandi vaxta skv. vaxtatöflu og vöxtum reiknuðum samkvæmt vaxtagreiðsluþaki leggst við höfuðstól lánsins.
Þeir vextir sem leggjast við höfuðstól koma til greiðslu á þeim gjalddögum sem eftir eru af láninu (dreifast á lánstímann).
Vaxtagreiðsluþak hentar þeim lántakendum sem vilja jafna greiðslubyrðina í hækkandi vaxtastigi.
Dæmi um virkni þjónustunnar:
A.
Þegar vextir láns eru lægri en (eða jafnir og) það vaxtagreiðsluþak sem lántaki velur tekur vaxtagreiðsla mið af ríkjandi vaxtatöflu.
Dæmi: Vextir láns þróast frá 6,15% til 7,40% en skilgreint vaxtagreiðsluþak er 7,5% ársvextir
=> allir áfallnir vextir eru greiddir og engir vextir lagðir við höfuðstól
B.
Þegar vextir eru hærri en það vaxtagreiðsluþak sem lántaki hefur valið tekur vaxtagreiðsla mið af vaxtagreiðsluþakinu en mismunur á þakinu og gildandi vöxtum leggst við höfuðstól lánsins.
Dæmi: Vextir láns eru 11% en vaxtagreiðsluþak er 7,5% ársvextir
=> greiddir vextir eru 7,5% en 3,5% ársvextir eru lagðir við höfuðstól og koma til greiðslu með afborgunum út lánstímann
Kostir og ókostir
Berðu saman kosti og ókosti vaxtagreiðsluþaks.
Kostir | Ókostir |
Dregur úr óvissu um greiðslubyrði óverðtryggðra húsnæðislána og veitir lántakendum öryggi | Ef vextir fara umfram vaxtagreiðsluþakið er hluta af vaxtagreiðslunni frestað í stað þess að hún sé greidd á hverjum gjalddaga |
Auðveldar lántakendum að vera á óverðtryggðum lánaskilmálum þrátt fyrir hærra vaxtastig | Höfuðstóll lánsins verður hærri en hann ella hefði orðið ef vextir lánsins eru umfram vaxtagreiðsluþakið |
Hraðari eignamyndun samanborið við verðtryggð húsnæðislán að því gefnu að vaxtaþróun sé í samræmi við þróun verðbólgu á hverjum tíma | Heildarvaxtakostnaður lánsins hækkar þegar höfuðstóll hækkar |
Lántaki velur sjálfur hvar vaxtagreiðsluþakið umfram 7,5% ársvexti (8% fyrir viðbótarlán) liggur og getur því stillt greiðslubyrðina af miðað við sína eigin greiðslugetu | Til lengri tíma litið hækkar greiðslubyrði lánsins þegar að vöxtum er bætt við höfuðstól, en þó hóflega þar sem afborganir höfuðstóls dreifast á þá gjalddaga sem eftir eru af lánstímanum |
Dæmi
Núgildandi vextir | Greiðsla með vaxtagreiðsluþaki | |
Lánsfjárhæð | 35.000.000 kr. | 35.000.000 kr. |
Lánstími | 40 ár | 40 ár |
Tegund afborgunar | Jafnar greiðslur | Jafnar greiðslur |
Vextir til greiðslu á gjalddaga | 11% | 7,5%* |
Greiðslubyrði á 1. gjalddaga | 325.033 kr. | 222.950 kr. |
* Mismunurinn á vöxtum, þ.e. 7,5% og 11% leggjast ofan á höfuðstól lánsins og dreifist yfir lánstímann, 102.083 kr. á fyrsta gjalddaga í þessu dæmi.
Vaxtagreiðsluþak
Horfðu á myndbandið þar er vaxtagreiðsluþak útskýrt á einfaldan hátt.
Spurt og svarað
Fyrir hverja er þjónustan og er hægstætt að skrá sig í hana?
Hvernig skráir maður sig í þjónustuna?
Hvað kostar að fá vaxtagreiðsluþak?
Er hægt að hætta í þjónustunni?