Viltu lækka greiðslubyrðina?
Hægt er að endurfjármagna núverandi lán yfir í annað lánsform, allt eftir þörfum hvers og eins.
Fastar greiðslur
Léttu greiðslubyrðina í 12 mánuði
Fastar greiðslur henta þeim lántakendum sem eru með óverðtryggð húsnæðislán og vilja lækka greiðslubyrðina tímabundið í háu vaxtastigi.
- Lántaki getur valið fjárhæð fastra greiðslna fyrir lánið sitt en þær skulu þó að lágmarki nema 5% vaxtagreiðslu af láninu (5,5% fyrir viðbótarlán). Lántaki getur því lækkað greiðslubyrði lánsins tímabundið miðað við sína greiðslugetu
- Mismunur á föstu greiðslunni og upphæð sem hefði átt að greiða miðað við skilmála lánsins leggst við höfuðstól lánsins á tímabilinu. Sú fjárhæð sem bætist við höfuðstól lánsins á tímabilinu ber vexti með eftirstöðvum lánsins frá fyrsta degi eftir að tímabilinu lýkur.
- Þeir vextir sem leggjast við höfuðstól koma til greiðslu á þeim gjalddögum sem eftir eru af láninu (dreifast á lánstímann).
- Fastar greiðslur henta þeim lántakendum sem vilja jafna greiðslubyrðina í háu vaxtastigi.
Fastar greiðslur henta þeim lántakendum sem vilja lækka greiðslubyrðina tímabundið í háu vaxtastigi.
Dæmi
Núverandi greiðsla | Fastar greiðslur | |
Lánsfjárhæð | 35.000.000 kr. | 35.000.000 kr. |
Lánstími | 40 ár | 40 ár |
Tegund afborgunar | Jafnar greiðslur | Jafnar greiðslur |
Viðmiðunarvextir | 10,25% | 5%* |
Greiðslubyrði á gjalddaga | 304.216 kr. | 168.899 kr. |
*5% er sú viðmiðunarprósenta vaxta sem notuð er til að finna fjárhæð fastrar greiðslu sem er greidd næstu 12 mánuði.
Endurfjármögnun
Ef heildarveðsetning er undir 70% af fasteignamati íbúðarhúsnæðisins
Viðskiptavinum stendur til boða að endurfjármagna viðbótarlán yfir í grunnlán sem ber hagstæðari vexti að því gefnu að veðsetning sé undir 50% af fasteignamati.
Til þess að reikna út veðsetningarhlutfall eignar þarftu að vita heildarskuldir sem hvíla á eigninni og fasteignamat hennar.
Heildarskuldir sem hvíla á eigninni ÷ fasteignamat íbúðar = veðhlutfall
Einnig er hægt að bóka tíma í ráðgjöf til þess að sjá hvaða möguleikar standa til boða og kanna her heildarveðsetning og fasteignamat eignar er.
Kostnaður við endurfjármögnun er skv. verðskrá bankans hverju sinni.
Verðtryggt eða óverðtryggt?
Heimilt er að breyta verðtryggðu húsnæðisláni yfir í óverðtryggt og öfugt og er það gert með endurfjármögnun og að undangengnu greiðslumati. Einnig er hægt að breyta hluta láns yfir í verðtryggt eða óverðtryggt og hafa blandaða lánasamsetningu.
Óverðtryggð lán | Verðtryggð lán |
Óverðtryggð lán eru alla jafna með þyngri greiðslubyrði í upphafi en verðtryggð lán | Verðtryggð lán geta verið með léttari greiðslubyrði í upphafi |
Eignamyndun er alla jafna hraðari á óverðtryggðum lánum | Eignamyndun er alla jafna hægari á verðtryggðum lánum en á óverðtryggðum nema að valinn sé styttri lánstími |
Verðbætur sem koma til vegna verðbólgu leggjast á höfuðstól og dreifast á lánstímann |
Þú getur óskað eftir að breyta láni að hluta eða í heild úr óverðtryggðu yfir í verðtryggt eða öfugt hér að neðan. Við munum svo hafa samband við þig í kjölfarið og finna tíma til að undirrita skjölin.
Breyta tegund afborgunar
Jafnar greiðslur og jafnar afborganir
Lán eru ýmist með jöfnum greiðslum eða jöfnum afborgunum og hægt er að breyta tegund núverandi afborgana með endurfjármögnun.
- Þegar lán er greitt með jöfnum greiðslum er u.þ.b sama heildarfjárhæð greitt í hverjum mánuði (fjárhæðin tekur þó breytingum á verðtryggðum lánum vegna verðbólgu)
- Á lánum með jöfnum greiðslum er greiðslubyrði lægri í upphafi en þegar greitt er með jöfnum afborgunum
- Þegar lán er greitt með jöfnum afborgunum er sama fjárhæð greidd inn á höfuðstól í hverjum mánuði (fjárhæðin tekur þó breytingum á verðtryggðum lánum vegna verðbólgu)
- Á lánum með jöfnum afborgunum er greiðslubyrði hærri í upphafi en þegar greitt er með jöfnum greiðslum
Kostnaður er skv. verðskrá bankans hverju sinni. Sækja um endurfjármögnun.