Hreyfiafl til góðra verka

Við viljum vera hreyfiafl til góðra verka í samfélaginu og veitum styrki til verkefna sem styðja við þau fjögur heimsmarkmið Sameinuðu þjóðanna sem Íslandsbanki hefur valið að leggja sérstaka áherslu á og má sjá hér að neðan. Umsækjendur eru hvattir til að líta sérstaklega til undirmarkmiðanna og tilgreina tengingar við þau í umsóknarferlinu ásamt því að kynna sér vel almenn skilyrði sjóðsins. Þann 11. október nk. verður opinn dagur hjá KLAK í Grósku fyrir umsækjendur sem vilja nýta sér aðstoð við umsóknarferlið.
Umsóknarfrestur er frá 27. september - 1. nóvember 2023.

Markmið sjóðsins

Markmið sjóðsins er að hvetja til nýsköpunar og þróunar og styðja við bakið á frumkvöðlaverkefnum sem stuðla að ofangreindum heimsmarkmiðum sem bankinn leggur sérstaka áherslu á. Íslandsbanki greiðir 0,1% mótframlag í sjóðinn af innstæðu Vaxtasprota sparnaðarreikningum á ársgrundvelli.

Stjórn sjóðsins

• Ari Kristinn Jónsson, fyrrum rektor Háskólans í Reykjavík og núverandi forstjóri Aware GO
• Ragnheiður H. Magnúsdóttir, stofnandi englafjárfestingafélagsins Nordic Ignite og ráðgjafi hjá Möggum
• Una Steinsdóttir, framkvæmdastjóri Viðskiptabankasviðs Íslandsbanka 

Stjórn sjóðsins er tilnefnd af bankastjóra Íslandsbanka og ber ábyrgð á að móta og taka ákvörðun um fjárfestingastefnu sjóðsins.

Sjóðsstjórn úthlutar fé úr sjóðnum til verkefna og auglýsir eftir umsóknum samkvæmt úthlutunarreglum.

Fyrirspurnir sendist á netfangið: frumkvodlasjodur@islandsbanki.is.