Útibú Íslandsbanka munu opna aftur 11. maí næstkomandi eftir lokun undanfarnar vikur vegna COVID-19 en áfram verður gætt að nálægðartakmörkunum.
Opnunartími flestra útibúa verður frá kl. 11-16 en útibú bankans á Granda og Höfðabakka verða ekki opnuð sem stendur, en þeim útibúum var fyrr lokað vegna samkomubanns.
Viðskiptavinir er áfram beðnir um að bóka tíma í ráðgjöf á vef Íslandsbanka eða í síma 440-4000. Einnig er eldri borgurum bent á aukna þjónustu í símanúmerinu 440-3737 og eru viðskiptavinir hvattir til að nýta sér app, netbanka og netspjall fyrir einfaldari og þægilegri bankaviðskipti.