Pósturinn varar við netsvindli

Óprúttnir aðilar senda tölvupósta í nafni Póstsins í þeim tilgangi að komast yfir kortaupplýsingar.


Varað er við tilraunum vefveiða. Sem fyrr er mikilvægt að vera á varðbergi þegar óskað er eftir kortaupplýsingum á vefnum. Í tilkynningu frá Póstinum segir:

Pósturinn vill aftur vara við því að óprúttnir aðilar eru að senda tölvupósta í nafni Póstsins í þeim tilgangi að komast yfir kortaupplýsingar.
Þetta hefur verið algengt síðasta árið og ekkert lát virðist vera á þessu. Pósturinn vill árétta að það er mikilvægt að smella ekki á hlekki sem fylgja þessum póstum og alls ekki ætti að gefa upp persónulega upplýsingar eða kortanúmer.

Mikilvægt er að fullvissa sig um að sending sé raunveruleg. Sendingarnúmer Póstinum eru 13 stafir, þar af tveir bókstafir fremst og tveir aftast með talnarunu á milli en margir svindlpóstar innihalda einmitt slík númer þannig það er enn mikilvægara að skoða vel. Til að fullvissa sig um að sending sé í kerfi Póstsins er hægt að fara á heimasíðu fyrirtækisins, smella á „Finna sendingu“ og leita þar að sendingarnúmeri eða skrá sig inn á Minn póst.

Fáir þú óvænt tilkynningu um tilraun til að skrá kortið þitt án þinnar vitundar, skaltu þegar í stað hafa samband við viðskiptabankann þinn.

  • Íslandsbanki í síma 440-4000 eða í netspjalli
  • Landsbankinn í síma 410-4000 eða í netspjalli á vef bankans
  • Arion banki í síma 444-7000 eða í netspjalli á vef bankans

Sé um að ræða tilkynningu eftir lokunartíma bankanna skal hringja í neyðarnúmer greiðslumiðlunarfyrirtækja:

  • Valitor – s. 525-2200
  • Borgun – s. 533-1400

Jafnframt er bent á að tilkynna slík svik til lögreglunnar á netfangið cybercrime@lrh.is.

Nánari upplýsingar um vefveiðar og netöryggi má finna á upplýsingasíðu okkar.

Dæmi um vef­veið­ar


Hér má sjá dæmi um vefveiðar þar sem tölvuþrjótar dulbúa tölvupóst sem skilaboð frá fyrirtækinu Netflix.

Frekari upplýsingar um netsvindl


Netöryggi á vef Íslandsbanka

Upplýsingasíða Íslandsbanka um netöryggi

Netöryggi

Netglæpir og lögreglan

Hvað segir lögreglan um það sem helst ber að varast þessa dagana?

Netglæpir og lögreglan

Tilkynna meint misferli

Hér getur þú tilkynnt meint misferli og vefveiðar til Íslandsbanka

Tilkynna

Netöryggi.is

Upplýsingavefur Póst- og fjarskiptastofnunar um netöryggi

Netöryggi.is