Fjármálaráðið er nýtt fjármálanámskeið sem haldið er fjögur miðvikudagskvöld í febrúar. Á námskeiðinu, sem best hentar fróðleiksfúsum á aldrinum 16-25 ára, verður rætt um efnahagsmál, sparnað, fjárfestingar, íbúðakaup, lántöku og loks vinnumarkaðinn.
Fyrsti hluti námskeiðsins verður haldinn á vefnum í kvöld kl. 20:30 og er enn opið fyrir skráningar, en tæplega 400 þátttakendur hafa þegar skráð sig til leiks. Viðtökurnar hafa verið umfram björtustu vonir og verður án vafa boðið upp á fleiri námskeið síðar.
Nánari upplýsingar og skráningarsíðu má nálgast hér.