Þannig kemur Mastercard til með að taka af aukastafi núna á laugardaginn 15.apríl, kl. 19:05 og því kynnu viðskiptavinir bankans þá að verða varir við ranga upphæð við kaup á vöru og þjónustu í íslenskri mynt á þeim tíma, hafi færsluhirðar ekki uppfært uppgjör sitt á réttum tíma.
Unnið hefur verið að því að áhrif breytinga á viðskiptavini verði sem allra minnst og heilt yfir ætti breytingin að ganga í gegn án þess að fólk verði hennar vart. En verði fólk vart við að röng upphæð birtist, sem myndi þá lýsa sér í tveimur auka núllum, ýmist til hækkunar eða lækkunar, þá bendum við á eftirfarandi:
- Ef hætt er við að kaup vöru eða þjónustu þarf ekkert að aðhafast.
- Ef haldið er áfram með kaup á vöru/þjónustu og rukkað er um ranga upphæð þarf fólk að bíða eftir því að færsla sé gerð upp (að hún hætti að vera á bið) og leita þá til seljanda vörunnar um leiðréttingu á upphæðinni, eða senda inn endurkröfubeiðni til Íslandsbanka.
- Lendi viðskiptavinur bankans í greiðsluvanda við það að færsla á bið sé röng er hægt að leita til Neyðarþjónustu Íslandsbanka í síma 440-4000.
Áhrifa þessara breytinga gætir víðar. Til dæmis hefur PayPal þegar tilkynnt um stöðvun á allri notkun debet- og kreditkorta dagana 14. til 18. apríl. Því þurfa viðskiptavinir að bíða með kaup og óskir um endurgreiðslu með greiðslukortum á því tímabili.