Samstarfsaðilar

Íslandsbanki hefur í gegnum tíðina álitið það mikilvægt að taka þátt í alþjóðlegum skuldbindingum sem og að styðja við innlendan samstarfsvettvang á sviði sjálfbærni.

Nordic CEOs

for a Sustainable Future


Íslandsbanki gerðist aðili að Nordic CEOs for a Sustainable Future árið 2018 en það eru samtök stórra fyrirtækja á Norðurlöndunum sem munu vinna sameiginlega að heimsmarkmiðum SÞ. Í hópnum eru m.a. forsvarsmenn Equinor, Finnair, GSMA, Íslandsbanka, Marel, Posten Norge, SAS, Storebrand, Swedbank, Telenor Group, Telia Company, Vestas og Yara.

Samtökin funduðu á Íslandi í águst 2019 með forsætisráðherrum Norðurlanda. Þarvar rætt um sameiginlegar áskoranir ríkjanna og fyrirtækja um sjálfbærni, aðgerðir í loftslagsmálum og mikilvægi fjölbreytileika í atvinnulífinu með jafnrétti að leiðarljósi.

Á fundinum kynntu forstjórarnir áherslu samtakanna á mikilvægi þess að uppfylla heimsmarkmið SÞ með bættum viðskiptaháttum og auknu samstarfi einkageirans og hins opinbera. Forstjórar þeirra fyrirtækja sem eiga aðild að samtökunum hafa skuldbundið sig til að taka mið af heimsmarkmiðum SÞ í starfsemi sinni og ákvörðunartöku. Áhersla á sjálfbærni verður aðlöguð að stefnu fyrirtækjanna og þvert á virðiskeðjur þeirra.

Fara á vef Nordic CEO's

United Nations Principles

for Responsible Investment (UN PRI)


UN PRI eru samtök fjárfesta, sjóðafyrirtækja og greinenda sem hafa það að markmiði að innleiða umhverfis- og samfélagssjónarmið, auk góðra stjórnarhátta, í ákvarðanatöku við fjárfestingarákvarðanir. Íslandssjóðir hafa verið aðili að UN PRI síðan desember 2017.

Fara á vef United Nations Principles

Iceland SIF

samtök um ábyrgar fjárfestingar á Íslandi


Íslandsbanki var einn af stofnaðilum IcelandSIF árið 2017. Tilgangur samtakanna er að efla þekkingu fjárfesta á aðferðafræði sjálfbærra og ábyrgra fjárfestinga og auka umræður um slíkar fjárfestingar.

Fara á vef Iceland SIF

United Nations Principles

for Responsible Banking


Íslandsbanki hefur samþykkt að fylgja nýjum viðmiðum SÞ um ábyrga bankastarfsemi. Þessi viðmið voru þróuð af 30 alþjóðlegum bönkum í samvinnu við United Nations Environmental Programme - Financial Initiative (UNEF - FI) og eru þau sex talsins: fylgni, áhrif og markmið, viðskiptavinir, hagsmunaaðilar, stjórnarhættir og menning, gagnsæi og ábyrgðarskylda. Bankinn mun leitast við að innleiða viðmiðin í starfsemi sinni og skýrslugjöf. Ennfremur verður alþjóðlegt samstarf skoðað á þessu sviði.

Fara á vef United Nations Principles

United Nations Global Compact


Íslandsbanki hefur fylgt meginreglum Sameinuðu þjóðanna, UN Global Compact, um samfélagslega ábyrgð síðan 2009. Reglurnar sem eru 10 talsins á sviði mannréttinda, starfsmannamála, umhverfismála og aðgerða gegn spillingu, setja ákveðinn ramma utan um starfsemi bankans og skilar bankinn árlega framvinduskýrslu til SÞ.

Fara á vef United Nations Global Compact

Festa

miðstöð um samfélagsábyrgð


Festa var stofnuð árið 2011 af Íslandsbanka, Landsbankanum, Landsvirkjun, Rio Tinto Alcan á Íslandi, Símanum og Össuri. Hlutverk Festu er að auka þekkingu á samfélagsábyrgð fyrirtækja og stofnana til að tileinka sér samfélagslega ábyrga starfshætti og stuðla að aukinni sjálfbærni.

Fara á vef Festa