Question 1

A/V-hlutfall

Accepted Answer

Hlutfallið milli árlegs arðs og markaðsverðs hlutabréfa og gefur hugmynd um ávöxtun sem felst í greiddum arði af hlutabréfum.

Question 2

Ábyrgar fjárfestingar

Accepted Answer

Ábyrgar fjárfestingar eru (skv. PRI (Principles for Responsible Investment)) aðferðafræði sem er notuð til þess að stýra eignasöfnum m.t.t. ýmissa þátta eins og umhverfis-, stjórnar- og félagslegra þátta þegar kemur að eigendahlutverkum eða fjárfestingarákvörðunum og bætingu á eignasöfnum.

Question 3

Aðalfundur

Accepted Answer

Árlegur fundur sem haldinn er hjá hlutafélögum og einahlutafélögum.

Question 4

Afborgun

Accepted Answer

Greiðsluhluti af skuld þegar lán er greitt upp í pörtum.

Question 5

Afföll skuldabréfs

Accepted Answer

Mismunur sem myndast þegar ávöxtunarkrafa er hærri en nafnvextir skuldabréfs.

Question 6

Afgreiðslugjald

Accepted Answer

Gjald sem banki tekur vegna tiltekinnar þjónustu, t.d. vegna breytinga á skilmálum.

Question 7

Áhætta í verðbréfaviðskiptum

Accepted Answer

Þegar talað er um áhættu í verðbréfaviðskiptum er átt við hættuna á því að ávöxtunin verði ekki sú sem stefnt var að þegar viðskiptin voru gerð. Það stafar oftast af sveiflum sem ávallt verða á verði skuldabréfa og hlutabréfa.

Question 8

Áhættuálag

Accepted Answer

Mismunur á ávöxtun tiltekins verðbréfs og áhættulausrar ávöxtunar. Ríkisvíxlar eru yfirleitt notaðir sem viðmið um áhættulausa ávöxtun.

Question 9

Áhættudreifing

Accepted Answer

Fjárfestingu í verðbréfum dreift á margar tegundir verðbréfa eða myntir til að draga úr áhættu.

Question 10

Áhættufælinn fjárfestir

Accepted Answer

Fjárfestir, einstaklingur eða fyrirtæki, sem vill ekki taka mikla áhættu en sættir sig þess í stað við lægri ávöxtun.

Question 11

Áhættulausir vextir

Accepted Answer

Þeir vextir sem hægt er að fá með allra minnstu áhættu. oft miðað við ávöxtun ríkisvíxla.

Question 12

Áhættusækinn fjárfestir

Accepted Answer

Fjárfestir, einstaklingur eða fyrirtæki, sem er reiðubúinn að taka á sig mikla áhættu í von um háa ávöxtun.

Question 13

Almennt kreditkort

Accepted Answer

Greiðslukort sem hentar fólki sem vill ódýrt kreditkort með lágmarksþjónustu. Hægt er að velja með eða án ferðatrygginga.

Question 14

Áreiðanleikakönnun

Accepted Answer

Könnun sem er framkvæmd til þess að koma í veg fyrir peningaþvætti og metur áhættu viðskiptavina.

Allir sem eiga í bankaviðskiptum þurfa að sanna að þetta séu þau í raun og veru og að peningur sem lagður er inn eða tekinn út af bankareikningi sé notaður í löglegum tilgangi. Þess vegna þurfa viðskiptavinir að framvísa skilríkjum eða skrá sig inn með rafrænum skilríkjum ásamt því að svara ákveðnum spurningum og veita upplýsingar um í hvaða landi viðkomandi greiðir skatta.

Question 15

Árleg hlutfallstala kostnaðar

Accepted Answer

Árleg hlutfallstala kostnaðar (ÁHK) er prósentutala þar sem vextir og lántökukostnaður er mældur á ársgrundvelli. Samkvæmt lögum má kostnaður við lán ekki vera meiri en svo að ÁHK sé hærri en 35% að viðbættum stýrivöxtum.

Question 16

Ársreikningur

Accepted Answer

Skjal sem útbúið er af endurskoðanda eða bókara fyrirtækis og greinir frá niðurstöðum rekstrar fyrirtækisins á reikningsárinu. Í ársreikningi kemur fram hvort hagnaður eða tap hafi verið af rekstrinum, ásamt öllu þeim upplýsingum sem þarf til að meta fjárhagslega stöðu fyrirtækisins.

Question 17

Aukakort

Accepted Answer

Kort sem tengist aðalkorti en noktun aðal- og aukakorts er sameinuð í eina kröfu með ákveðinn greiðsludag.

Question 18

Ávöxtun

Accepted Answer

Ávöxtun getur myndast með vöxtum, afföllum og gengishagnaði. Ávöxtun er einnig heiti á óvertryggðum sparnaðarreikningi Íslandsbanka.

Question 19

Beingreiðslur

Accepted Answer

Greiðslumáti þar sem reikningar eru sjálfkrafa skuldfærðir af bankareikningi á eindaga.

Question 20

Blandað lán

Accepted Answer

Ef verðtryggt og óverðtryggt lán er tekið í bland er talað um blandað lán. Þá er greitt af tveimur mismunandi lánum á lánstímanum.

Question 21

Boðgreiðslur

Accepted Answer

Gjöld sem eru skuldfærð sjálfkrafa af kreditkorti. Þægileg leið til að greiða ákveðin gjöld eins og fasteignagjöld, orkureikninga, áskriftir o.fl.

Question 22

Breytilegir vextir

Accepted Answer

Vextir sem geta hækkað eða lækkað á lánstímanum í takt við sveiflur á markaði og efnahagsástandi hverju sinni.

Question 23

Debetkort

Accepted Answer

Alþjóðlegt greiðslukort sem tengt er við bankareikning. Eigandi kortsins getur notað það við greiðslu á þjónustu og í verslun.

Question 24

Debetreikningur

Accepted Answer

Bankareikningur sem að debetkort tengist og er með innstæðu sem að handhafi greiðslukorts getur notað við greiðslu á þjónustu og í verslun.

Question 25

Dráttarvextir

Accepted Answer

Vextir sem bætast við skuld þegar skuldin er ekki greidd á réttum tíma.

Question 26

Eigið fé

Accepted Answer

Fjármagn, hvort sem það eru hlutabréf, sparnaður eða peningar sem eru bundnir í fasteign, þá er eigið fé það sem við getum lagt fram, í raun það fé sem við eigum. Ef við kaupum fasteign á 50 milljónir og tökum lán fyrir 30 milljónir, þá er eigið fé mismunurinn, eða 20 milljónir króna.

Question 27

Eignastýring

Accepted Answer

Sérhæfð þjónusta fyrir efnameiri einstaklinga.

Question 28

Eindagi

Accepted Answer

-          Síðasti dagur greiðslu reiknings, kröfu eða skuldar en sé greiðsla ekki kláruð á eindaga getur aukakostnaður eða frekari aðgerðir komið til.

Question 29

Endurfjármögnun

Accepted Answer

Þegar þú sækir um endurfjármögnun ertu í raun að greiða upp eldra lán og sækja um nýtt lán. Endurfjármögnun lána getur komið sér vel ef aðstæður á markaði hafa breyst, til að mynda ef vextir hafa lækkað frá því þú tókst upphaflega lán eða ef þú vilt lækka mánaðarlegar greiðslur.

Question 30

Endurkrafa kortafærslu

Accepted Answer

Þjónusta sem bankinn veitir þegar handhafi greiðslukorts óskar eftir að rannsaka kortafærslu.

Question 31

Færslugjald

Accepted Answer

Sú upphæð sem þarf að greiða fyrir hverja færslu á greiðslukorti

Question 32

Færslur á bið

Accepted Answer

Greiðslukortafærsla er á bið þangað til seljandi hefur sent inn uppgjör úr posa/kassakerfi.

Question 33

Fastir vextir

Accepted Answer

Vextir sem haldast óbreyttir. Fastir vextir á verðtryggðum lánum eru endurskoðaðir á 5 ára fresti, fastir vextir á óverðtryggðum lánum gilda í 3-5 ár frá frá útborgunardegi láns.

Question 34

Fastvaxtatími

Accepted Answer

Tímabil þar sem vextir breytast ekkert, haldast fastir.

Question 35

Fjárfestavernd

Accepted Answer

Fjárfestavernd á að tryggja viðskiptavinum fjármálafyrirtækja að fyrirtækin starfi með heilbrigðum og gagnsæjum hætti og viðskiptavenjur séu eðlilegar hvað varðar verðbréfaviðskipti.

Question 36

Fjármálalæsi

Accepted Answer

Fjármálalæsi er að hafa þekkingu og skilning til þess að taka upplýstar fjármálaákvarðanir. Það er að átta sig á að við þénum ákveðið mikið, notum hluta af því og getum lagt það sem eftir er fyrir og að við höfum stjórn á þessu ferli. Með auknu fjármálalæsi getur þú sett þér sparnaðarmarkmið, gert fjárhagsáætlun og lært að fjárfesta.

Question 37

Fjárráða

Accepted Answer

Fjárráða þýðir að þú ræður hvert peningarnir þínir fara. Við 18 ára aldur verðum við fjárráða og tökum þá algjöra ábyrgð á okkar fjármálum og ráðum þá hvernig við förum með peningana okkar, eignir og getum stofnað til skulda.

Question 38

Fríða

Accepted Answer

Fríða er fríðindakerfi Íslandsbanka, sem gengur út á sérsniðin endurgreiðslutilboð. Þú notar appið til að skoða og virkja tilboðin frá Fríðu, borgar með korti frá Íslandsbanka og færð endurgreitt í samræmi við umræddan afslátt 18. hvers mánaðar.

Question 39

Fróði

Accepted Answer

Fróði er spjallmenni Íslandsbanka sem búið er að forrita til þess að aðstoða og leiðbeina einstaklingum með bankaþjónustu. Helsti kosturinn við Fróða er sá að biðtíminn eftir því að spjalla við hann er enginn. Endilega prófaðu að heyra í Fróða!

Question 40

Fyrirframgeitt kort

Accepted Answer

Kort sem ekki er hægt að nota nema lagt sé inn á kortanúmerið áður. Rafrænt skjal er síðan gefið út við lok hvers kortatímabils.

Question 41

Georg

Accepted Answer

Georg er alltaf að gera eitthvað skemmtilegt með félögum sínum. Hvort sem það er að leika sér með bókstafina, tölustafina, leggja saman og draga frá eða læra á klukku. Georg er sparibaukur Íslandsbanka en einnig eru til þrjú Georgs smáforrit sem kenna börnum tölur, bókstafi, einfalda stærðfræði og á klukkuna.

Question 42

Gjalddagi

Accepted Answer

Sú dagsetning sem reikningur, krafa eða skuld er skilgreind á og á þeirri dagsetningu er æskilegt að greiða.

Question 43

Græn lán

Accepted Answer

Með grænum lánum geta viðskiptavinir fengið lán á betri kjörum fyrir vistvænni kosti sem hafa hlotið viðurkennda umhverfisvottun.

Question 44

Grænn sparnaður

Accepted Answer

Með grænum sparnaði er mögulegt að hafa áhrif á verkefni sem vinna að því að bæta umhverfi okkar og samfélag.

Question 45

Greiðsludreifing

Accepted Answer

Dreifing greiðslu á marga gjalddaga.

Question 46

Greiðslumat

Accepted Answer

Segir til um getu lántakenda til að geta staðið við lánagreiðslur á réttum tíma.

Question 47

Heimild

Accepted Answer

Notkunarmörk ákveðins greiðslukorts yfir tilgreint kortatímabil.

Question 48

Hlutabréf

Accepted Answer

Eign í fyrirtæki, þegar þú kaupir hlutabréf áttu hlut í viðkomandi fyrirtæki.

Question 49

Hluthafi

Accepted Answer

Sá sem á eign í ákveðnu fyrirtæki er hluthafi í fyrirtækinu.

Question 50

Höfuðstóll

Accepted Answer

Upphafleg upphæð t.d. skuldabréfs eða fjárfestingar.

Question 51

Húsnæðislán

Accepted Answer

Lán fyrir kaupum á húsnæði með veði í húsnæði.

Question 52

Innlán

Accepted Answer

Þegar aðili eða fyrirtæki lánar peningana sína til banka. Bankareikningar eru stundum kallaðir innlánsreikningar á bankamáli.

Question 53

Innlausn

Accepted Answer

Þegar innistæða sjóða eða hlutabréf eru seld er talað um innlausn.

Question 54

Jafnar afborganir

Accepted Answer

Lán greiðast hraðar niður með jöfnum afborgunum miðað við lán með jöfnum greiðslum en á móti kemur að mánaðarlegar greiðslur eru þyngri framan af lánstímanum. Þegar lán er með jöfnum afborgunum er höfuðstóllinn alltaf greiddur jafn mikið niður og dreift jafnt yfir lánstímann, auk þess fara afborganir lækkandi eftir því sem líður á líftíma lánsins og vextir og höfuðstóll minnka jafnt og þétt.

Question 55

Jafnar greiðslur

Accepted Answer

Ef lán er með jöfnum greiðslum greiðir lántaki um það bil sömu upphæð um hver mánaðamót, ef vextir sveiflast lítið eða eru fastir til dæmis en ef miðað er við jafnar afborganir þá greiðist höfuðstóllinn hægar niður með jöfnum greiðslum. Í upphafi vega vextir þyngra og afborganir af höfuðstól minna en dæmið snýst svo við þegar líður á lánstímann.

Question 56

Kaupgengi

Accepted Answer

Það gengi sem t.d. banki kaupir erlendan gjaldeyri á.

Question 57

Kaupmáttur

Accepted Answer

Mælikvarði á þau verðmæti sem fást í skiptum fyrir peninga hverju sinni.

Question 58

Kaupsamningur

Accepted Answer

Samningur um kaup og sölu einhvers.

Question 59

Kaupþóknun

Accepted Answer

Þóknun fyrir kaup t.d. á verðbréfum.

Question 60

Kortatímabil

Accepted Answer

Fjöldi daga sem notkun á korti nær yfir.

Question 61

Krafa

Accepted Answer

Reikningur með ákveðinn greiðsludag.

Question 62

Kreditkort

Accepted Answer

Kort sem safnar saman notkun kortsins yfir ákveðið kortatímabil. Eftir að kortatíma lýkur er noktun tímabilsins safnað saman í kröfu með ákveðinn greiðsludag.

Question 63

Kreditkortareikningur

Accepted Answer

Krafa sem tekur saman alla notkun ákveðins kortatímabils og er með ákveðinn greiðsludag.

Question 64

Lánamörk

Accepted Answer

Heildarheimild sem öll greiðslukort viðskiptavinar taka tillit til.

Orðabankinn

Ertu með hugmynd að orði?

Viltu vita meira?

Fræðsla

Viðburðir

Greinar