Hluthafar í Íslandsbanka

Neðangreindur listi sýnir hluthafa bankans sem eiga eignarhlut yfir 1% í samræmi við 19. gr. laga um fjármálafyrirtæki nr. 161/2002.


Samkvæmt 19. gr. laga um fjármálafyrirtæki er Íslandsbanka skylt að tilgreina á vefsíðu sinni nöfn og hlutfallslegt eignarhald allra þeirra sem eiga umfram 1% hlutafjár í bankanum á hverjum tíma. Sé lögaðili eigandi hlutafjár umfram 1% skal jafnframt koma fram hvaða einstaklingur eða einstaklingar eru raunverulegir eigendur viðkomandi lögaðila. Með raunverulegum eiganda er átt við einstakling eða einstaklinga sem eiga beina eða óbeina hlutdeild í félagi sem nemur 10% eða meira af hlutafé, stofnfé eða atkvæðisrétti eða aðra hlutdeild sem gerir honum eða þeim kleift að hafa veruleg áhrif á stjórnun viðkomandi félags.

Upplýsingar um hluthafa og stærð eignarhlutar byggja á yfirliti Nasdaq verðbréfamiðstöðvar sem hlutaskrá bankans og upplýsingar um raunverulega eigendur byggja á fáanlegum upplýsingum frá opinberum aðilum. Upplýsingarnar eru unnar og settar fram af ýmsum aðilum m.a. af kerfinu Monitor frá Modular Finance AB og  Morningstar. Íslandsbanki hefur fjóra daga til þess að uppfæra vefsíðuna frá því að eignarhald á hlut breytist. Athugið, í tilfelli sjóðstýringafélaga/rekstrarfélaga þá er raunverulegur eigandi félagsins ekki endilega raunverulegur eigandi undirliggjandi sjóða. Jafnframt eru upplýsingar um eignarhlut einstakra sjóða birtar sameiginlega undir nafni rekstrarfélags þeirra.

Í eigandastefnu ríkisins fyrir fjármálafyrirtæki, frá febrúar 2020, er m.a. fjallað um markmið ríkisins um eignarhald í fjármálafyrirtækjum og meginreglur eigandastefnu.

Eigendastefna ríkisins

Bankasýsla ríkisins og Íslandsbanki hafa gert með sér samning á grundvelli e. liðar 4. gr. laga nr. 88/2009 um Bankasýslu ríkisins.

Samningur Bankasýslu ríkisins og Íslandsbanka