„Við höfðum aldrei bruggað bjór og vissum ekkert um bjórframleiðslu þannig að fyrsta skrefið var að reyna að koma sér inn í hvernig væri að reka fyrirtæki og fá til okkar mikið af fagfólki.“

Bruggsmiðjan Kaldi var stofnuð á Árskógssandi árið 2006 af hjónunum Agnesi Önnu Sigurðardóttur og Ólafi Þresti Ólafssyni, fyrst íslenskra handverksbrugghúsa.

Sagan að baki stofnun bruggsmiðjunnar er einkar áhugaverð en kveikjan var frétt í Ríkissjónvarpinu um lítil brugghús í Danmörku. Anna leit til okkar í Reynslubankann og deildi með okkur þessari skemmtilegu sögu.