Alþjóðlega lánshæfismatsfyrirtækið Moody's Investor Services („Moody's“) hefur veitt Íslandsbanka lánshæfismatseinkunnina A3, með stöðugum horfum. Einkunnin er sú hæsta af íslensku bönkunum og sýnir sterka eiginfjárstöðu Íslandsbanka og góða og stöðuga arðsemi. Jafnframt veitti Moody's bankanum A2 langtíma- og P-1 skammtímaeinkunnir fyrir innlán í erlendri og innlendri mynt.
Moody's nefndi í rökstuðningi sínum lágt og lækkandi hlutfall vanskilalána sem endurspeglar hagfellt efnahagsumhverfi á Íslandi og fullnægjandi lausafjárstöðu. Moody's benti ennfremur á að takmarkað umfang fjárfestingarbankastarfsemi hjá Íslandsbanka skili sér í meiri stöðugleika í afkomu bankans en hjá samanburðarbönkum.
Frekar upplýsingar um lánshæfi Íslandsbanka má finna hér: Lánshæfismat bankans