Svikaskilaboðin, sem koma frá íslenskum símanúmerum, tilkynna viðtakanda að vegna uppfærslu á bankakerfum sé þörf á að skrá sig inn til að staðfesta reikninginn sinn hjá bankanum. Tilgangurinn er að biðja móttakanda skilaboðanna að láta af hendi banka- og kortaupplýsingar.
Hvað átt þú að gera ef þú lendir í svikum?
Ef þú lentir í svikum og gafst upp greiðslukortið þitt og aðrar bankaupplýsingar eða heimilaðir innskráningu með rafrænum skilríkjum þá skaltu gera eftirfarandi:
- Frysta öll greiðslukort í appinu.
- Skrá út öll innskráð tæki í appinu. Velja "Meira" niðri í hægra horninu í appinu og ýta þar á tannhjólið. Þar getur þú valið "Skrá út úr öllum tækjum".
- Hringja strax í 440-4000, neyðarþjónustu Íslandsbanka sem er opin allan sólarhringinn fyrir neyðartilfelli.
