Þrátt fyrir hækkun fastra vaxta á húsnæðislánum í gær býður Íslandsbanki enn upp á lægstu föstu vexti á íslenskum húsnæðislánamarkaði.
Á verðtryggðum lánum býður Íslandsbanki viðskiptavinum upp á 2,05% fasta vexti til fimm ára á grunnlánum og 3,15% á viðbótarlánum. Á óverðtryggðum lánum býður bankinn upp á 4,1% fasta vexti til þriggja ára á grunnlánum.
Þá býður Íslandsbanki einnig lægstu breytilegu vexti á óverðtryggðum lánum, 3,5%.
Töluverð ásókn hefur verið í fasteignalán á liðnum mánuðum, bæði vegna kaupa á fyrstu eign og vegna endurfjármögnunar eldri lána.