Breytingar verða á vöxtum inn- og útlána Íslandsbanka 16. janúar næstkomandi. Rétt er að vekja athygli á því að í skilmálum óverðtryggðra húsnæðislána með breytilegum vöxtum sem veitt voru á tilgreindu tímabili á árunum 2012 til 2021, eru ákvæði sem heimila viðskiptavinum að sækja um vaxtagreiðsluþak.
Vaxtabreytingarnar eru eftirfarandi:
- Fastir vextir óverðtryggðra húsnæðislána til þriggja ára lækka um 0,20 prósentustig
- Fastir vextir óverðtryggðra húsnæðislána til 5 ára lækka um 0,40 prósentustig
- Breytilegir verðtryggðir kjörvextir hækka um 0,40 prósentustig
- Breytilegir vextir verðtryggðra húsnæðislána hækka um 0,40 prósentustig
- Fastir vextir verðtryggðra húsnæðislána hækka um 0,25 prósentustig
- Vextir á verðtryggðum innlánsreikningum hækka almennt um 0,40 prósentustig
Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi.