Verkefnið fyrirmyndarfyrirtæki í góðum stjórnarháttum felur í sér að fyrirtækjum gefst tækifæri til að undirgangast formlegt mat á starfsháttum stjórnar og stjórnenda fyrirtækisins og byggir matsferlið í meginatriðum á leiðbeiningum um stjórnarhætti fyrirtækja sem Viðskiptaráð Íslands, Samtök atvinnulífsins og Nasdaq á Íslandi gefa út.
Stjórn Íslandsbanka hefur það að markmiði að vera stöðugt að þróa og styrkja góða stjórnarhætti innan bankans og fylgja alþjóðlega viðurkenndum viðmiðum um bestu framkvæmd á sviði stjórnarhátta. Árlega gerir Íslandsbanki úttekt á því hvort stjórnarhættir bankans samræmist viðurkenndum leiðbeiningum um stjórnarhætti fyrirtækja og birtir stjórnarháttayfirlýsingu í viðauka við ársreikning og á vef bankans. Nálgast má frekari upplýsingar um stjórnarhætti Íslandsbanka hér á vefsíðu bankans.