Breyttur afgreiðslutími útibúa Íslandsbanka

Breytingarnar taka gildi um áramót


Frá og með áramótum verður afgreiðslutími útibúa Íslandsbanka með breyttu sniði. Verða útibú bankans opin frá kl. 10:00 til 16:00, nema á Egilsstöðum og Ísafirði þar sem opið verður kl. 11:00-15:00 og á Reyðarfirði þar sem opið verður 12:00-15:00. Með breytingunum mun starfsfólki útibúa gefast aukið svigrúm fyrir skjóta afgreiðslu erinda í morgunsárið. 

Umfangsmikli þróun rafrænna þjónustulausna á undanförnum misserum samhliða mikilli fækkun heimsókna í útibú hefur orðið til þess að sífellt fleiri kjósa að sinna sínum helstu daglegu bankaviðskiptum í appi eða í netbanka.                  

Ráðgjafaver Íslandsbanka verður eftir sem áður opið í síma kl. 09:00-16:00 og í netspjalli kl. 09:00-18:00. Þá er spjallmennið Fróði til þjónustu reiðubúinn allan sólarhringinn. 

Nánari upplýsingar um afgreiðslutíma Íslandsbanka má nálgast hér