Íslandsbanki mun þann 22. október breyta vöxtum í kjölfar vaxtaákvörðunar Seðlabanka Íslands þann 6. október.
Fastir vextir óverðtryggðra húsnæðislána haldast óbreyttir.
Vaxtabreytingarnar eru eftirfarandi:
- Breytilegir vextir óverðtryggðra húsnæðislána hækka um 0,15 prósentustig
- Óverðtryggðir kjörvextir hækka um 0,20 prósentustig
- Yfirdráttarvextir einstaklinga og fyrirtækja hækka um 0,25 prósentustig
- Breytilegir óverðtryggðir vextir Ergo hækka um 0,25 prósentustig
- Breytilegir óverðtryggðir innlánsvextir hækka um allt að 0,25 prósentustig eða haldast óbreyttir
Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi.