Íslandsbanki mun þann 1. desember breyta vöxtum í kjölfar vaxtaákvörðunar Seðlabanka Íslands þann 17. nóvember þar sem stýrivextir voru hækkaðir um 0,50 prósentustig. Vaxtabreyting hjá Ergo tekur gildi 3. desember.
Vaxtabreytingarnar eru eftirfarandi:
- Fastir vextir verðtryggðra húsnæðislána með vaxtaendurskoðun lækka um 0,45 prósentustig
- Fastir vextir óverðtryggðra húsnæðislána til 3 ára hækka um 0,20 prósentustig en fastir vextir óverðtryggðra húsnæðislána til 5 ára haldast óbreyttir
- Breytilegir vextir óverðtryggðra húsnæðislána hækka um 0,20 prósentustig
- Breytilegir óverðtryggðir kjörvextir hækka um 0,35 prósentustig
- Yfirdráttarvextir einstaklinga og fyrirtækja hækka um 0,50 prósentustig
- Breytilegir óverðtryggðir vextir Ergo hækka um 0,35 prósentustig
- Breytilegir óverðtryggðir innlánsvextir hækka um allt að 0,50 prósentustig eða haldast óbreyttir
Í kjölfar breytinganna verða fastir verðtryggðir húsnæðislánavextir bankans auk vextir óverðtryggðra breytilegra húsnæðislána þeir lægstu meðal íslenskra banka.
Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi.