Vaxtabreytingar útlána taka mið af fjármögnunarkostnaði bankans hverju sinni sem fylgir að hluta stýrivöxtum Seðlabankans. Aðrar fjármögnunarleiðir hafa einnig umtalsverð áhrif á verðlagningu bankans, en markaðsvextir á skuldabréfamörkuðum hafa hækkað verulega á liðnum vikum.
Vaxtabreytingarnar eru eftirfarandi:
- Breytilegir vextir óverðtryggðra húsnæðislána hækka um 1,0 prósentustig. Fastir vextir óverðtryggðra húsnæðislána til 3 ára hækka um 0,3 prósentustig. Fastir vextir óverðtryggðra húsnæðislána til 5 ára hækka um 0,55 prósentustig.
- Breytilegir vextir verðtryggðra húsnæðislána hækka um 0,85 prósentustig. Fastir vextir verðtryggðra lána til fimm ára hækka um 0,4 prósentustig.
- Vextir á óverðtryggðum innlánsreikningum hækka um allt að 1,0 prósentustig. Vextir almennra veltureikninga hækka um 0,3 prósentustig.
- Breytilegir óverðtryggðir kjörvextir hækka um 1,0 prósentustig.
- Breytilegir verðtryggðir kjörvextir hækka um 0,60 prósentustig.
- Breytilegir óverðtryggðir kjörvextir Ergo og vextir bílalána og bílasamninga hækka um 1,0 prósentustig.
- Yfirdráttarvextir einstaklinga og fyrirtækja hækka um 1,0 prósentustig.
Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi.