Íslandsbanki mun þann 7. september breyta vöxtum í framhaldi af vaxtaákvörðun Seðlabanka Íslands þann 25. ágúst.
Fastir vextir óverðtryggðra húsnæðislána haldast óbreyttir.
Vaxtabreytingarnar eru eftirfarandi:
- Breytilegir vextir óverðtryggðra húsnæðislána hækka um 0,15 prósentustig
- Óverðtryggðir kjörvextir hækka um 0,20 prósentustig
- Yfirdráttarvextir einstaklinga og fyrirtækja hækka um 0,25 prósentustig
- Breytilegir óverðtryggðir kjörvextir Ergo og vextir bílalána og bílasamninga hækka um 0,20 prósentustig
- Vextir sparnaðarreikninga hækka um 0,15-0,25 prósentustig
Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við tilkynningar þar að lútandi sem sendar verða viðskiptavinum og munu birtast í rafrænum skjölum í netbanka og í appi.