Athugið

Þessi frétt er meira en sex mánaða gömul og tölfræði gæti hafa breyst

Borgaðu með símanum í næsta posa

Viðskiptavinir Íslandsbanka geta frá og með deginum í dag greitt með símanum sínum í snertilausum posum um allan heim.


Viðskiptavinir Íslandsbanka geta frá og með deginum í dag greitt með símanum sínum í snertilausum posum um allan heim. Þetta er án efa greiðslumáti framtíðarinnar og mun einfalda greiðslur enn frekar.

Snertilausar greiðslur með símanum þínum verða fyrst um sinn aðeins í boði fyrir handhafa kreditkorta og fyrirframgreiddra korta frá Kreditkorti og Íslandsbanka og fyrir Android notendur. Við munum innan tíðar bjóða upp á lausnina fyrir Apple notendur, fleiri kortategundir, sem og Garmin og Fitbit snjallúr.

Samhliða frekari þróun á Kreditkortsappinu flytjum við vörumerkið Kreditkort alfarið yfir til Íslandsbanka, þar með talið vefsíðu og alla aðra þjónustu.

Snertilausar greiðslur með símanum fara fram í gegnum Kort frá Íslandsbanka (áður Kreditkortsappið) þar sem allar kortaaðgerðir eru á einum stað. Þar getur þú:

  • Séð stöðu korta í rauntíma
  • Greitt með Android símanum þínum í posum
  • Fryst kort
  • Sótt PIN númer
  • Skoðað stöðu Vildarpunkta Icelandair
  • Virkjað tilboð í Fríðu – fríðindakerfi Íslandsbanka
  • Dreift kortafærslum og -reikningum
  • Stillt heimild korta

Við vinnum stöðugt að nýjum stafrænum lausnum til að gera öll þín kortaviðskipti sem einföldust og þægilegust. Þú sérð eftir sem áður allar þínar kortaupplýsingar á mínum kortasíðum.