Sjálfbærnistefna og markmið
Íslandsbanki stefnir að því að rekstur bankans verði til fyrirmyndar í íslensku atvinnulífi og að bankinn sé hreyfiafl til góðra verka
Sjálfbærnistefna Íslandsbanka
Íslandsbanki vill vera til fyrirmyndar á sviði sjálfbærrar þróunar í rekstri sínum út frá alþjóðlegum viðurkenndum viðmiðum um umhverfismál, félagslega þætti og stjórnarhætti (UFS eða sjálfbærniþættir). Sjálfbærnistefna Íslandsbanka myndar heildstæðan ramma um starfsemi bankans á sviði sjálfbærni. Bankinn horfir til fjárhagslegra markmiða sem tengjast arðsemi og hagkvæmni, ásamt UFS-markmiðum í rekstri sínum:
- Umhverfisleg viðmið fjalla um hvernig Íslandsbanki gætir að umhverfislegum áhrifum í starfsemi sinni og styður m.a. við heimsmarkmið SÞ um aðgerðir í loftslagsmálum.
- Félagsleg viðmið lúta að því hvernig bankinn kemur fram við starfsfólk, birgja, viðskiptavini og samfélagið sem hann starfar í og styður þannig m.a. við heimsmarkmið SÞ um menntun fyrir alla, jafnrétti kynjanna og nýsköpun og uppbyggingu.
- Stjórnarháttaviðmið snúa að stjórn bankans og stjórnendum, innra eftirliti og réttindum hluthafa.
Stefna Íslandsbanka er að vera hreyfiafl til góðra verka í samfélaginu. Þannig ætlar bankinn að taka virkan þátt í samstarfi um ábyrga viðskiptahætti sem stuðla að sjálfbærri þróun íslensks efnahagslífs og styðja við gildandi Aðgerðaáætlun ríkisstjórnar Íslands í loftslagsmálum.
Samfélagslegt hlutverk fjármálafyrirtækja
Heimsmarkmið sameinuðu þjóðanna
Sjálfbærniáherslur 2030
Hér má sjá sjálfbærniáherslur til ársins 2030 ásamt markmiðum ársins 2026. Einingar bankans koma að setningu og markmiða ásamt aðgerðaráætlun.
Sjálfbærniáherslur 2030 | Sjálfbærnimarkmið 2026 | |
Eiga samtal við 80 lítil og meðalstór fyrirtæki í viðskiptum við bankann um sjálfbærni og umbreytingu | ||
Eiga samtal við þau íslensku fyrirtæki sem eru með top 80% fjármögnuðu losunina í lánasafni bankan og ræða tækifæri í umbreytingu | ||
Umhverfisþættir | Kolefnishlutleysi og umbreyting | Hefja setningu markmiðs um kolefnishlutleysi í samræmi við vísindaleg markmið um kolefnishlutleysi |
Styðja ökutækjaleigur við fjármögnun á hreinorkuökutækjum í samræmi við aðgerðaráætlun ríkisstjórnarinnar í loftslagsmálum | ||
Viðhalda 15% af fyrirtækja lánasafninu í sjálfbærum fjármögnunarramma | ||
Félagsþættir | Fjárhagsleg heilsa neytenda og viðskiptavina | Sérsniðin fræðsla fyrir hópa með það markmið að styrkja þeirra fjárhagslegu heilsu |
Mannauður og fjölbreytileiki og víðtæk þátttaka | Jafna meðallaun kk samanborið við meðallaun kvk með markvissum hætti | |
Stuðla að auknum hlut kvenna í IT og fjárfestingabankastarfsemi | ||
Stjórnarhættir | Skýrir og sterkir stjórnarhættir | Áframhaldandi festa við skýra og sterka stjórnarhætti |
Innleiðing kaupaukakerfis | ||
Enn frekari framþróun og styrking á mati á sjálfbærniáhættu | ||
Heimsmarkmið | Upplýsingagjöf og fræðsla | Sjálfbærnifræðsla hluti af skyldufræðslu starfsfólks |