Sjálfbærnistefna og markmið
Íslandsbanki stefnir að því að rekstur bankans verði til fyrirmyndar í íslensku atvinnulífi og að bankinn sé hreyfiafl til góðra verka
Sjálfbærnistefna Íslandsbanka
Stefna Íslandsbanka um sjálfbærni miðar að því að rekstur bankans verði til fyrirmyndar í íslensku atvinnulífi út frá alþjóðlegum viðurkenndum viðmiðum um umhverfismál, félagslega þætti og stjórnarhætti (UFS).
Íslandsbanki stefnir á að vera leiðandi á sviði sjálfbærrar þróunar og hreyfiafl til góðra verka í samfélaginu.
Þannig ætlar bankinn að eiga frumkvæði að víðtæku samstarfi um ábyrga viðskiptahætti sem stuðla að sjálfbærri þróun íslensks efnahagslífs og styðja við aðgerðaráætlun ríkisstjórnar Íslands í loftslagsmálum og um leið heimsmarkmið SÞ.
Samfélagslegt hlutverk fjármálafyrirtækja
Skammtímasjónarmið á móti langtímahagsmunum
Eigendastefna ríkisins
Heimsmarkmið Sameinuðu þjóðanna
Víðtækt samstarf um ábyrga viðskiptahætti
Íslandsbanki í fararbroddi í þjónustu gagnvart viðskiptavinum
Heildstæður rammi um sjálfbærni
Rekstur verði til fyrirmyndar
Markmið Íslandsbanka er að rekstur hans verði til fyrirmyndar í íslensku atvinnulífi.Íslandsbanki horfir því ekki einungis til fjárhagslegra markmiða sem tengjast arðsemi og hagkvæmni, heldur einnig til UFS-viðmiða í rekstri sínum:
- Umhverfisleg viðmið fjalla um hvernig Íslandsbanki gætir að umhverfislegum áhrifum í starfsemi sinni og styður m.a. við heimsmarkmið SÞ um aðgerðir í loftslagsmálum.
- Félagsleg viðmið lúta að því hvernig bankinn kemur fram við starfsfólk, birgja, viðskiptavini og samfélagið sem hann starfar í og styður þannig m.a. við heimsmarkmið SÞ um menntun fyrir alla, jafnrétti kynjanna og nýsköpun og uppbyggingu.
- Stjórnarháttaviðmið snúa að stjórn bankans og stjórnendum, innra eftirliti og réttindum hluthafa.
Umhverfismál
Félagslegir þættir
Stjórnarhættir
Íslandsbanki sem hreyfiafl til góðra verka
Íslandsbanki vill sýna gott fordæmi með því að láta verkin tala og ávinna sér og viðhalda þannig trausti viðskiptavina. Bankinn leitast eftir virkum samskiptum við viðskiptavini og samstarfsaðila um ábyrga viðskiptahætti sem er ein af lykilforsendum þess að bankinn sé hreyfiafl til góðra verka.
Ábyrgar lánveitingar
Ábyrgar fjárfestingar
Ábyrg innkaup
Styrkir
Einingar bankans koma að setningu tímasettra og mælanlegra markmiða ásamt aðgerðaráætlun
Sjálfbærnimarkmið til 2025 | Undirmarkmið fyrir árið 2023 | Tenging við Heimsmarkmið SÞ |
Kolefnishlutleysi að fullu fyrir árið 2040 | Birta markmið um samdrátt í kolefnisspori fyrir fleiri atvinnugreinar í lánasafni bankans – sjávarútveg, landbúnað og byggingariðnaði Halda að minnsta kosti 25 fundi með viðskiptavinum fyrirtækja til þess að ræða sjálfbærni og kolefnishlutleysi | Aðgerðir í loftlagsmálum |
Bjóða upp á sjálfbært vöruframboð | Auka hlut sjálfbærra fyrirtækjalána í lánasafninu í 15% Markaðssetja a.m.k. tvær nýjar sjálfbærar vörur fyrir einstaklinga | Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum |
Hvetja til fjölbreytileika og þátttöku allra með vöruframboði* | Huga sérstaklega að jafnrétti og þátttöku allra á fundum og fræðslu fyrir viðskiptavini Kynna til leiks vegferðir fyrir einstaklinga sem eru að flytja erlendis frá | Jafnrétti kynjanna |
Fjölbreytileiki og þátttaka allra á vinnustað* | Jafnréttisráð að fullu starfhæft. Aðgerðaráætlun og markmið sett og fylgt eftir af framkvæmdarstjórn Stefnt er að hlutfall kvenna í fjárfestingarbanka verði 35% og 30% í upplýsingatækni | Menntun fyrir alla Jafnrétti kynjanna |
Samstarf við birgja og samstarfsaðila sem beita sér fyrir sjálfbærni | Birgjamat framkvæmt á 30 stærstu birgjum á sviði upplýsingatækni Siðareglur birgja uppfærðar og hlutfall birgja sem hafa skrifað undir siðareglurnar (eða sett sér sambærilegar reglur) hækkað úr 45% í >75% | Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum |
Mæla sjálfbærniáhættu, skilgreina ábyrgð á málaflokk og auka við upplýsingagjöf | Framkvæma og birta frummat á áhættum og tækifærum tengdum líffræðilegum fjölbreytileika Þróa áfram og innleiða UFS-áhættumat á lántakendum. Meta öll stærri fyrirtæki fyrir árslok og gera ESG áhættumat að skyldu fyrir öll ný fyrirtækjalán >150m.kr. | Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum |
Styðja við fjögur af heimsmarkmiðum SÞ | Aukin áhersla á fræðslu þvert á bankann í tengslum við heimsmarkmiðin og sjálfbær fjármál Stuðningur við menntun fyrir alla með því að gefa tölvubúnað til að minnsta kosti 5 frjálsra félagasamtaka / menntastofnana | Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum |
*Uppfærð markmið fyrir 2025 sem endurspegla aukna áherslu á vöru og þjónustuframboð sem hvetur til fjölbreytileika og þátttöku allra