Hvað er bankinn að gera?

Stefna Íslandsbanka um sjálfbærni miðar að því að rekstur bankans verði til fyrirmyndar í íslensku atvinnulífi útfrá alþjóðlegum viðurkenndum viðmiðum um umhverfismál, félagslega þætti og stjórnarhætti (UFS) og að bankinn sé hreyfiafl til góðra verka og leggi sérstaka áherslu á fjögur af heimsmarkmiðum Sameinuðu þjóðanna um menntun, jafnrétti, nýsköpun og loftslagsmál. Hér eru nokkur dæmi um það sem bankinn hefur tekið sér fyrir hendur:

Framlag til samfélagsins

Veittum aukalega styrki úr Frumkvöðlasjóði í júní og nóvember 2020 með aukna áhersla á fjögur af heimsmarkmiðum Sameinuðu þjóðanna.
Íslandsbanki býður starfsfólki sínu að leggja sitt af mörkum til góðgerðamála. Starfsfólk bankans getur varið einum vinnudegi á ári í þágu góðs málefnis og velja sjálfir það málefni sem þeir vilja veita liðsinni.
Styðjum við hjálparstarf Rauða Kross Íslands í Afríku með styrk og leggjum til árlega starfsfólk sem veitir sérfræðiþekkingu til nauðstaddra.
Aðalstuðningsaðili Reykjavíkurmaraþonsins sem er orðið að stærsta fjáröflunarátaki ársins fyrir góðgerðarfélög.
Í desember 2020 gaf bankinn Mæðrastyrksnefnd Reykjavíkur, Kvennaathvarfinu og Samhjálp rausnarlega gjöf.

Fræðsla og markaðsmál

Við viljum auka þekkingu, færni og áhuga á fjármálum með því að bjóða upp á aðgengilega og áhugaverða fræðslu um fjármál enda er Menntun fyrir alla eitt þeirra heimsmarkmiða Sameinuðu þjóðanna sem Íslandsbanki leggur sérstaka áherslu á.
Frá árinu 2015 hafa um 30.000 gestir sótt fræðslufundi og fyrirlestra Íslandsbanka í eigin persónu. Vegna kórónuveirunnar var fræðslustarfið lagað hratt að aðstæðum og umfangsmikil fræðsla færð á vefinn.
Árið 2020 voru 23 fundir haldnir rafrænt og ríflega 13.000 gestir sóttu þá eða fylgdust með upptökum í kjölfarið auk þess sem fjöldi minni fjarfunda var haldinn með viðskiptavinum.
Fræðslufundir, utan og innanhúss, um heimsmarkmiðin, sjálfbærniviðmið, aðgerðir í loftsmálum o.fl.
Framleiðum fræðslumyndbönd sem útskýra fjármálahugtök á einfaldan og aðgengilegan hátt.
Hjálpum ungum krökkum að læra á bók- og tölustafina í Georgs öppunum ásamt því að vera með app sem kennir börnum á klukku.
Hættum að gefa plast- og gjafavörur til barna- og unglinga til að sporna við mengun og sóun. Í stað gjafavöru var enn meiri áhersla lögð á upplifun og fræðslu í útibúum og í gegnum stafrænar leiðir bankans.
Stafrænt markaðsefni, allt markaðsefni innanhúss er stafrænt og markaðsefni utanhúss er mestmegnis stafrænt líka.

Jafnréttismál

Bankinn hefur sett sér jafnréttisstefnu um jafnrétti kynjanna og jöfn laun sem styður við að ákvarðanir í launamálum byggjast á málefnalegum sjónarmiðum og feli ekki í sér kynbundna mismunun.
Árið 2018 hlaut Íslandsbanki jafnlaunavottun sem gildir í þrjú ár.
Árlega eru framkvæmdar viðhaldsúttektir af vottunaraðila, í nóvember var framkvæmd greining og reyndist launamunur kynjanna miðað við sambærileg störf 1,14%, sem er vel innan 5% viðmiðunarmarka sem vottunaraðili setur. Launamunur kynjanna hefur lækkað milli mælinga en munurinn mældist 1,9% í fyrra, konur lægri. Stefna bankans er að hafa þennan mun 0%.
Íslandsbanki hlaut Jafnvægisvog Félags kvenna í atvinnulífinu (FKA) á árinu 2020.
Bankinn hefur haldið fundi um jafnrétti í fimm ár í röð sem samtals yfir 2.000 gestir hafa sótt.
Málþingið Konur og fjármál: Hvernig verðum við hreyfiafl á fjármálamarkaði? - haldið í samstarfi við FKA þann 17. September 2020

Stefnumál og upplýsingagjöf

Settum okkar nýja sjálfbærnistefnu í lok árs 2019 sem leggur línuna fyrir aðgerðir bankans.
Gáfum út í fyrsta sinn árs og sjálfbærniskýrslu bankans sem byggir á Nasdaq ESG og GRI stöðlum í febrúar 2020 og birtum kolefnissporið fyrir reksturinn okkar.
Settum fram siðareglur fyrir birgja til að hvetja samstarfsaðila okkar til dáða á sviði umhverfis- og jafnréttismála og góðra stjórnarhátta.
Gengumst undir nýjar sjálfbærniskuldbindingar á sviði loftslagsmála og jafnréttis og fjölbreytileika, hluti af Nordic CEOs samstarfinu sem bankinn er hluti af.
Gerðumst á árinu 2020 aðili að nýjum samtökum Sameinuðu þjóðanna um ábyrga bankastarfsemi en vorum fyrir hluti af Global Compact.
Stofnaðili Festu, miðstöð um samfélagsábyrgð og Iceland SIF.
Stofnaðili að Votlendissjóð árið 2018 og stefnt að áframhaldandi samstarfi um kolefnisjöfnun.

Viðskipti og áhættumat

Árið 2020 kynntum við græn lán Ergo til kaupa á rafbílum, hleðslustöðvum og öðrum grænum fararkostum og stefnum á að fjölga grænum og sjálfbærum lánakostum fyrir viðskiptavini.
Í samstarfi við CIRCULAR Solutions framkvæmdum við áhættumat útfrá sjálfbærni á 24 stærstu lántökum bankans.
Grænn skuldabréfasjóður Íslandssjóða – eini sjóðurinn á landinu sem fjármagnar verkefni sem hafa jákvæð áhrif á þróun í umhverfis- og samfélagsmálum.

Höfuðstöðvar í Norðurturni

Rafmagnstenglar voru settir í hjólageymslu Norðurturns til að fleira starfsfólk geti nýtt sér hleðslu á rafmagnshjól og rafmagnshlaupahjól.
Rafhleðslustöðvar voru settar upp fyrir bílaflota.
Fækkuðum fermetrum fyrir starfsemi bankans um helming eða um rúmlega 8.000 m2 (rekum eitt mötuneyti í dag í stað þriggja áður) við flutning í Norðurturn árið 2017.
Færri kílómetrar og styttri ferðatími fyrir starfsfólk að fara til og frá vinnu við flutning á höfuðstöðvum.
Innleiddum verkefnamiðaða vinnuaðstöðu, sem þýðir minna af búnaði sem stendur ónotaður.
Öll lýsing í húsnæði sem hýsir starfsemi bankans er LED og tímasett með skynjurum.
Búningsklefar og skápar í höfuðstöðvum fyrir fólk sem kemur hjólandi í vinnuna.

Eldhús

Matarsóun minnkuð! Sumarið 2019 hóf bankinn að vigta lífrænan úrgang í mötuneyti bankans til að minnka matarsóun og frá ársbyrjun 2020 er niðurstaða hverrar viku birt á upplýsingaskjáum innan bankans – markmiðið er að kenna starfsfólki að matarsóun sé óþarfi.
Kaffikorg er safnað saman og færður Magga sveppabónda sem ræktar úr honum ostru sveppi sem bankinn kaupir svo aftur. Hann notar 1 tonn af kaffikorg á ári sem annars færi í urðun.
Samhjálp fær matarafganga og leirtau sem ekki nýtast bankanum.
Ekkert kjöt einn dag í viku og meiri fjölbreytni í salatbar - minna kolefnisspor og aukin hollusta. Framleiðslu kjöts og mjólkurafurða fylgir mun meiri orku- og vatnsnotkun og losun gróðurhúsalofttegunda en við ræktun grænmetis. Með því að sleppa því að neyta kjöts í a.m.k. einn dag í viku hefur bankinn dregið álagi á náttúruauðlindir og minnkað kolefnissporið sitt, svo við tölum ekki um aukna hollustu.
Eldhús bankans fékk Svansvottun í desember árið 2020 og er allur rekstur eldhúsins því Svansvottaður.

Rekstur

Úrgangur af díselolíu! Öll úrgangsolía er send til aðila sem nýtir hana til framleiðslu á lífdíselolíu. Um er að ræða 600 – 800 lítra á ári sem annars færi í sérstaka fitusíu til urðunar með tilheyrandi kostnaði og neikvæðum umhverfisáhrifum.
Höfum minnkað pappírsnotkun um 2,6 milljónir frá því að átak um að vera pappírslaus banki hófst árið 2016 og fjöldi prentara hefur fækkað um yfir 130 stykki.
Virkt samtal við birgja um að lágmarka umbúðir og hafa þær umhverfisvænar.
Búnaður fær framhaldslíf hjá okkur en við gefum notaðan tölvubúnað bæði til Forritara framtíðarinnar og til Afríku, ásamt því að gefa skjái og fleira í skóla og til fyrirtækja.
Tókum upp fjarvinnu starfsfólks, kynntum leiðir til að minnka flug, rafvæddum bílaflota bankans og kynntum nýjar grænar samgönguáherslur. Meðal annars með kaupum á rafhlaupahjólum og rafbílum fyrir starfsfólk til að minnka kolefnisspor bankans.
Flokkum allt sorp.
Tókum út einnota plast og einnota plastglös á starfstöðvum og í útibúum.
Öll hreinsiefni eru svansvottuð.
Afgangi skilað til birgja og endurgreiðsla fengin.

Við hvetjum þig til þess að skoða sjálfbærni uppgjör Íslandsbanka