Stofnun notenda og aðgangsstýring

Að stofna og stýra aðgangi innri og ytri notenda.

Í netbankanum er hægt að veita notendum aðgang, ýmist sem innri eða ytri notendum. Helsti munurinn felst í því hver á aðganginn og stýrir honum.

Innri notendur

Þetta eru aðilar sem fá netbankaaðgang á ákveðinn lögaðila. Þessar aðgangsheimildir tilheyra félaginu og er stýrt af aðgangsstjóra hjá fyrirtækinu sem er að baki stofnun þeirra. Aðgangsstjóri getur:

Stofnað nýja innri notendur frá grunni.
Veitt, breytt eða fjarlægt aðgang að vörum og þjónustu.
Óvirkjað aðgang (lokað).

Þegar innri notandi er gerður óvirkur helst aðgangurinn áfram skráður hjá félaginu og hægt er að virkja hann aftur síðar ef þörf krefur. Óvirka notendur er að finna undir liðnum "Sýna óvirka notendur" sem er neðst í yfirliti innri notenda félagsins.

Ytri notendur

Hér er um að ræða aðila sem hafa aðgang að netbanka félagsins, í gegnum notendaaðgang sem er annað hvort:

Fyrirtækjaaðgangur á vegum annars félags (netbanki fyrirtækja).
Einstaklingsaðgangur á vegum aðilans sjálfs (netbanki einstaklinga).

Þegar fyrirtæki veitir slíkum notendum netbankaaðgang að vörum og þjónustu sinni, telst viðkomandi vera ytri notandi hjá því fyrirtæki.

Aðgangsstjóri getur:

Veitt ytri notendum aðgang að félaginu.
Stýrt heimildum þeirra að félaginu, þ.m.t. fjarlægt aðgang þeirra.

Aðgangsstjóri getur hins vegar ekki lokað sjálfum notendaaðganginum, þar sem hann tilheyrir öðru félagi eða einstaklingnum sjálfum. Þegar aðgangur ytri notanda er afturkallaður hverfur notandinn af lista ytri notenda sem eru með aðgang að félaginu.

Innri eða ytri notendur?

Mælt er með að nota innri notendur í flestum tilvikum, sérstaklega þegar stofnaður er aðgangur fyrir:

Starfsfólk fyrirtækisins.
Einstaklinga og starfsfólk annarra félaga sem starfa í þágu fyrirtækisins, tímabundið eða til lengri tíma. Hér má telja sem dæmi bókara, endurskoðendur ofl.

Ytri notendum ætti aðeins að veita aðgang að félaginu þegar skýrar aðstæður kalla á slíkt, s.s. þegar um er að ræða:

Starfsmenn fyrirtækja sem eru handhafar kreditkorta útgefin á fyrirtækið, en eru ekki með netbankaaðgang á félagið. Þeir þurfa samt sem áður að hafa aðgang að kreditkortinu, t.a.m. að geta vistað kvittanirnar þar í appinu, sem virkar beint yfir í bókhald félagsins. Það er þá hægt að veita þeim aðgang að fyrirtækjakortinu inni á þeirra persónulega netbankaaðgang, sem flokkast þá sem ytri notandi á félagið.
Milliinnheimtufyrirtæki, innheimtuþjónustufyrirtæki og þess háttar félög sem fá aðgang í gegnum vefþjónustur að viðkomandi félagi sem er að nýta sér þjónustu þeirra.

Stofnun innri notenda

Aðgangsstjóri smellir á "Stillingar" -> "Aðgangsstýring". Þá birtist þessi gluggi upp og þar skal smellt á "Stofna innri notanda".

Slá þarf inn eftirfarandi upplýsingar og síðan fær aðgangsstjóri beiðni um að staðfesta með rafrænum skilríkjum eða auðkennisappi.

Tenging ytri notanda

Smella þarf á "Veita ytri notanda aðgang".

Síðan þarf að fylla út kennitölu og notendanafn aðilans sem á að fá aðganginn og smella á leit. Þegar búið er að finna notendaaðgangin, þá er smelt á "Veita notanda aðgang". Eins og ávallt, þarf að staðfesta slíka tengingu með sterkri auðkenningaraðferð (rafræn skilríki eða auðkennisappi).

Breyting á aðgangi

Til að breyta aðgangi notanda skal smella á "Skoða" í línu viðkomandi notanda. Þá færist aðgangsstjóri á síður sem leyfa honum að stýra aðgangi viðkomandi aðila að aðgerðum og yfirlitum í netbanka, bankareikningum og kortum félagsins. Síðar mun aðgangur að verðbréfasöfnum bætast hér við.

Undir aðgangsheimildum er hægt að:

Veita heimild til að framkvæma aðgerðir og skoða yfirlit í netbanka.
Gefa aðgang að bankareikningum annaðhvort yfirlit eða millifærsluheimild.
Veita heimild til að sjá kreditkort.

Að lokum er hakað í það sem viðkomandi á að hafa aðgang að og smellt á "yfirlit og staðfesting". Þá berst beiðni um staðfestingu með sterkri auðkenningu, s.s. rafræn skilríki eða auðkennisappi.