Aðgangsstýring - leiðbeiningar

Nú geta viðskiptavinir sjálfir stofnað aðgang að netbanka og stofnað nýjan aðgangstjóra.

Hlutverk aðgangsstjóra

Aðgangsstjóri hefur heimild til að stjórna aðgangi að netbanka og appi fyrirtækisins. Þar sem aðgangsheimildin er víðtæk, krefst umsókn um uppsetningu nýs aðgangsstjóra undirskriftar stjórnar og viðeigandi aðila til að heimildin verði gild.

Aðgangsstjórar geta að fullu stýrt aðgangi fyrir notendur innan síns eigin fyrirtækis sem aðgangurinn tilheyrir. Auk þess geta þeir veitt eða afturkallað aðgang utanaðkomandi notenda að fyrirtækjum sínum.

Stofnun aðgangsstjóra

Eftir innskráningu með rafrænum skilríkjum á oryggi.islandsbanki.is þá birtist listi yfir þau félög sem umsækjandi hefur heimild til að stofna netbanka á.

Hér þarf að velja félagið sem verið er að stofna aðgangsstjóra fyrir. Þá hefst ferlið með því að velja "Umboð" og í hægra horninu uppi er smellt á "Stofna nýjan aðgangsstjóra".

Þá birtist gluggi þar sem kennitala aðgangsstjóra er slegin inn og því næst er smellt á "staðfesta".

Þá kemur upp síða með nafni þess sem á að verða aðgangsstjóri. Hér þarf að fylla út símanúmer og netfang þeirra aðila sem undirrita fyrir hönd félagsins (firmaritun) og þannig gefið aðgangsstjóra heimild. Því næst er valið "Áfram".

Þá birtist kvittun með þessum upplýsingum.

Umsækjandi getur fylgst með stöðunni á samþykktinni á aðganginum á þessari síðu; oryggi.islandsbanki.is.