Athugið

Þessi frétt er meira en sex mánaða gömul og tölfræði gæti hafa breyst

Úrræði fyrir Grindvíkinga

Íslandsbanki býður Grind­vík­ing­um sem ákveða að selja íbúðarhúsnæði í Grindavík til félags í eigu ríkisins og eru með húsnæðislán á föst­um vöxt­um hjá bank­an­um að halda sömu vaxtakjör­um og lánsskilmálum sem eru á lán­inu við kaup á nýrri fast­eign.

Íslandsbanki býður Grind­vík­ing­um sem ákveða að selja íbúðarhúsnæði í Grindavík til félags í eigu ríkisins og eru með húsnæðislán á föst­um vöxt­um hjá bank­an­um að halda sömu vaxtakjör­um og lánsskilmálum sem eru á lán­inu við kaup á nýrri fast­eign. Vaxtakjörin haldast óbreytt þann tíma sem eftir er af fastvaxtatímabilinu en síðan breytast vextirnir  í samræmi við upphaflega skilmála. Miðað er við sömu lánsfjárhæð og sambærilegt veðhlutfall. Lán sem eru tekin til viðbótar eru veitt á núgildandi vaxtakjörum samkvæmt vaxtatöflu bankans.

Bankinn fellir jafnframt niður lántökugjald á nýjum lánum til Grindvíkinga sem voru með húsnæðislán hjá bankanum.

Að auki geta öll sem eiga íbúðarhúsnæði í Grindavík fengið húsnæðislán fyrir allt að 85% af kaupverði íbúðar, eins og gildir um fyrstu kaupendur. Greiðslubyrði lána má vera allt að 40% af ráðstöfunartekjum að hámarki, í samræmi við yfirlýsingu fjármálastöðuleikanefndar Seðlabanka Íslands.