Greining Íslandsbanka hefur gefið út nýja verðbólguspá.
Spáum 0,4% hækkun neysluverðs í apríl
Við spáum því að VNV muni hækka um 0,4% í apríl frá mánuðinum á undan. Miðað við þá spá verður 12 mánaða verðbólga 3,3% en var 2,9% í mars.
Helstu atriði
Spáum 0,4% hækkun VNV í apríl
Verðbólga eykst úr 2,9% í 3,3%
Páskakúfur í flugfargjöldum til hækkunar
Reiknuð húsaleiga lækkar
Verðbólguhorfur hafa batnað nokkuð
2,9% verðbólga yfir árið 2019 en 2,8% verðbólga yfir árið 2020
Við spáum því að VNV muni hækka um 0,4% í apríl frá mánuðinum á undan. Miðað við þá spá verður 12 mánaða verðbólga 3,3% en var 2,9% í mars. Verðbólguhorfur til meðallangs tíma hafa batnað nokkuð frá síðustu spá vegna hagfelldara útlits um launaþróun í ár og horfa um hægari hækkun íbúðaverðs en við væntum áður. Útlit er fyrir að verðbólga verði 3,4% að jafnaði á öðrum fjórðungi ársins en hjaðni í kjölfarið. Við spáum 2,9% verðbólgu í árslok 2019 og 2,8% verðbólgu í lok árs 2020.
