Vefur Íslandsbanka hefur hlotið tilnefningu sem Fyrirtækjavefur ársins í flokki stórra fyrirtækja í vali Íslensku vefverðlaunanna. Að verðlaununum standa Samtök vefiðnaðarins (SVEF), en það eru fagsamtök þeirra er starfa að vefmálum á Íslandi. Markmið samtakanna er að miðla þekkingu og efla fagleg vinnubrögð í greininni.
Tilkynning úrslita og afhending verðlauna fer fram á verðlaunahátíð Íslensku vefverðlaunanna í Gamla bíói 31. mars næstkomandi.
Alls eru 65 verkefni tilnefnd til Íslensku vefverðlaunanna fyrir árið 2022, en tilnefnt er í þrettán flokkum. Flokkunum er ætlað að endurspegla breidd þeirra verkefna sem íslenskur vefiðnaður kemur að.
Tilnefnir í sama flokki og vefur Íslandsbanka eru vefir EVE Online, Landsbankans, Landsvirkjunar og Dominos.
Flokkarnir sem veitt eru verðlaun fyrir eru:
- App ársins
- Efnis- og fréttaveita ársins
- Fyrirtækjavefur ársins (lítil fyrirtæki)
- Fyrirtækjavefur ársins (meðalstór fyrirtæki)
- Fyrirtækjavefur ársins (stór fyrirtæki)
- Gæluverkefni ársins
- Opinberi vefur ársins
- Samfélagsvefur ársins
- Markaðsvefur ársins
- Söluvefur ársins
- Stafræn lausn ársins
- Tæknilausn ársins
- Vefkerfi ársins
Þá veitir dómnefnd verðlaun fyrir verkefni ársins, hönnun og viðmót ársins og viðurkenningu fyrir gott aðgengi á vef. Þau verðlaun fá verkefni sem dómnefndin telur hafa skarað fram úr öðrum.
Frekari upplýsingar um Íslensku vefverðlaunin er að finna hér: https://www.svef.is/verdlaun/