Íslandsbanki hf. lauk í dag útboði á sértryggðum skuldabréfum.
Óverðtryggði flokkurinn ISLA CB 19 var stækkaður um 840 m.kr. á ávöxtunarkröfunni 5,63%.
Verðtryggði flokkurinn ISLA CBI 22 var stækkaður um 180 m.kr. á ávöxtunarkröfunni 3,32%.
Verðtryggði flokkurinn ISLA CBI 26 var stækkaður um 980 m.kr. á ávöxtunarkröfunni 3,15%.
Heildareftirspurn í útboðinu var 3.100 m.kr.
Stefnt er að töku til viðskipta í Nasdaq Iceland þann 7. desember næstkomandi.
Á árinu 2016 hefur Íslandsbanki gefið út sértryggð skuldabréf fyrir 20.000 m.kr. sem er í samræmi við útgáfuáætlun ársins sem hljóðaði upp á 20.000-30.000 m.kr. heildarútgáfu.
Heildarfjárhæð útistandandi sértryggðra skuldabréfa Íslandsbanka verður að nafnverði 64.700 m.kr.