Aðalfundur Íslandsbanka var haldinn í dag, miðvikudaginn 25. mars. Friðrik Sophusson, formaður stjórnar, flutti skýrslu stjórnar og Birna Einarsdóttir, bankastjóri, fór yfir uppgjör bankans og helstu þætti í starfsemi hans á árinu 2014. Samhliða var gefin út ársskýrsla fyrir árið 2014.
Helstu niðurstöður aðalfundar
John Mack hættir í stjórn bankans og Eva Cederbalk var kjörin í hans stað. Stjórnarmenn eru nú eftirtaldir: Friðrik Sophusson, Árni Tómasson, Neil Graeme Brown, Eva Cederbalk, Helga Valfells, Þóranna Jónsdóttir og Marianne Økland.
Þá samþykkti fundurinn ársreikning bankans og að greiða 9,0 milljarða króna í arð til hluthafa bankans vegna rekstrarársins 2014. Á fundinum var einnig samþykkt að Ernst & Young ehf. verði endurskoðunarfélag bankans til næstu fimm ára.
Hægt er að nálgast Ársskýrslu á www.islandsbanki.is/arsskyrsla.
Önnur gögn frá aðalfundi má finna á vef fjárfestatengsla Íslandsbanka, www.islandsbanki.is/ir