Þar hefst klukkan 19 sýning gamanmyndarinnar Talladega Nights: The Ballad of Ricky Bobby, með Will Ferrell í aðalhlutverki.
Aðgangur er ókeypis en vissara fyrir áhugasama að skrá sig í tíma því ekki er pláss fyrir fleiri en 250 bíla.
Skráning á viðburðinn fer fram hér á vefsíðu Riff.
Auk kvikmyndasýningarinnar er stefnt að því að fá matarvagna á svæðið og jarðvegur því lagður að afar skemmtilegri kvöldstund.
Hljóð myndarinnar er sent út á FM rás, en mögulega vissara að setja í handbremsu og spenna beltin líka til að fyrirbyggja slys í hláturrokunum sem myndin er vís með að framkalla.