Ungt fólk hefur meiri áhuga á sjálfbærni og ábyrgum fjárfestingum en þeir sem eldri eru segir Jan Erik Saugestad framkvæmdastjóri eignastýringar Storebrand sem er gestur Norðurturnsins að þessu sinni.
Storebrand hefur undanfarinn aldarfjórðung lagt ríka áherslu á ábyrgar fjárfestingar í starfsemi sinni og verið leiðandi í þeim efnum. Jan Erik ræðir við Kjartan Smára Höskuldsson, framkvæmdastjóra Íslandssjóða um þrýsting sem fjárfestar hafa sett á stjórnvöld í Brasilíu, fjárfestingar í lausnum á sviði loftlagsmála, áhuga stofnana- og einkafjárfesta á ábyrgum fjárfestingum og fleira.