Stuðningslán eru rekstrarlán ætluð fyrirtækjum sem höfðu tekjur á bilinu 9 til 1.200 milljónir króna árið 2019. Tekjur á 60 daga tímabili á árinu 2020 þurfa að vera a.m.k. 40% lægri en á sama 60 daga tímabili 2019 og launakostnaður þarf að hafa numið a.m.k. 10% af rekstrargjöldum ársins 2019. Lánin geta numið allt að 10% af tekjum fyrirtækja á árinu 2019. Hægt verður að sækja um stuðningslán til 25. maí 2021 en þau eru háð ýmsum skilyrðum.

Sækja um stuðningslán inná vef island.is.

Gott að vita

• Stuðningslán geta numið allt að 40 milljónum á hvert fyrirtæki. Þau skiptast í stuðningslán með 100% ríkisábyrgð og viðbótarstuðningslán með 85% ríkisábyrgð.
• Stuðningslán með 100% ríkisábyrgð getur að hámarki orðið 10 milljónir og ber sömu vexti og vextir af sjö daga bundnum innlánum lánastofnana hjá Seðlabanka Íslands. Viðbótarstuðningslán með 85% ríkisábyrgð getur bæst við stuðningslán og getur að hámarki orðið 30 milljónir. Vextir á viðbótarstuðningsláni byggja á sama vaxtagrunni og stuðningslán að viðbættu álagi sem tekur mið af því að hluti lánsfjárhæðar er á ábyrgð ríkissjóðs.
• Þegar sótt er um viðbótarstuðningslán óskar Íslandsbanki eftir viðbótargögnum frá umsækjanda.
• Upplýsingar um alla lántakendur eru sendar til Seðlabanka Íslands sem sendir þær áfram til Fjármála- og efnahagsráðuneytisins. Þar verður birtur listi yfir lántakendur og fjárhæð lána.