Sjálfvirk ákvarðanataka

Fyrirgreiðslur

Þegar þú óskar eftir láni hjá bankanum s.s. Láni fyrir þig, greiðsludreifingu kreditkorta, bílaláni Ergo, yfirdráttar- eða kreditkortaheimild eða öðrum fyrirgreiðslum í gegnum stafrænar lausnir okkar eða vefsíðu, byggist ákvörðun um hvort unnt sé að veita þér fyrirgreiðslu á sjálfvirkri gagnavinnslu lánshæfis- eða, ef við á, greiðslumats, og útkomu spálíkana. 

Við gerð mats er litið til tekna, framfærslukostnaðar, viðskipta- og greiðslusögu þinnar hjá bankanum, eigna- og skuldastöðu, lýðupplýsinga og upplýsinga frá fjárhagsupplýsingastofu (www.creditinfo.is) s.s. vanskilaskráninga og skýrslu um lánshæfi. Eins og við á er einnig litið til annarra þátta sem skipt geta máli við ákvarðanatökuna s.s. veðhlutfalls, lögræðis, hvort til staðar er gild áreiðanleikakönnun og annarra upplýsinga sem við biðjum þig um að veita í ferlinu.  

Hafir þú sótt um Lán fyrir þig byggist ákvörðun um hvaða viðskiptakjör þú hlýtur einnig á sjálfvirkri gagnavinnslu lánshæfismats sem byggir á framangreindum þáttum, sjá nánar í vaxtatöflu sem aðgengileg er á vefsíðunni okkar. Eigir þú ekki viðskiptasögu hjá bankanum er lánið eingöngu veitt með hæstu kjörum. 

Stofnun bankareikninga

Afgreiðsla á umsóknum um stofnun bankareikninga sem gerðar eru í gegnum stafrænar lausnir okkar og vefsíðu fer fram með sjálfvirkri ákvarðanatöku sem byggist á almennum skilyrðum eins og kennitölu og aldri en einnig er byggt á skilyrðum um að umsækjandi sé ekki sviptur fjárræði, í gjaldþrotaskiptameðferð eða í greiðslustöðvun. Ákvörðunin byggist einnig á því hvort til staðar er gild áreiðanleikakönnun sem framkvæmd er vegna laga um varnir gegn peningaþvætti. 

Vildarþjónusta 

Ákvörðun um stig og skref í Vildarþjónustu Íslandsbanka er tekin með sjálfvirkum hætti. Ákvörðunin byggist á þjónustuþáttum og skilyrðum sem nánar eru tilgreind á vefsíðu bankans og í skilmálum um Vildarþjónustu. 

Afleiðingar og endurskoðun ákvörðunar 

Þessi vinnsla persónuupplýsinga er forsenda samnings okkar á milli en þú átt alltaf rétt á að láta skoðun þína í ljós, vefengja ákvörðunina og óska eftir að starfsmaður yfirfari hana með því að hafa samband við bankann annað hvort í síma 440-4000 eða í gegnum öruggt netspjall.  

Sjá nánar um vinnslu persónuupplýsinga hér og skilmála stafrænna lausna hér.