Sagan
Íslandsbanki er fyrirtæki með djúpar rætur í íslenskri atvinnusögu.
Sparisjóður Álftaness
Sparisjóður Álftaness var stofnaður árið 1875. Nafni hans var síðar breytt og sameinaðist hann Sparisjóði Hafnarfjarðar við stofnun hans árið 1902.
Íslandsbanki
Gamli Íslandsbanki var opnaður árið 1904, á upphafsári heimastjórnarinnar, og var fyrsti hlutafélagsbanki landsins. Hann lagði grunn að eflingu sjávarútvegs og varð lyftistöng fyrir íslenskt atvinnu- og efnahagslíf.
Fiskveiðasjóður Íslands
Fiskveiðasjóður Íslands var stofnaður árið 1905 til að efla fiskveiðar og útveg. Sjóðurinn lánaði fé til kaupa á skipum og veiðarfærum og studdi margvíslegar aðgerðir til að bæta fiskveiðarnar.
Sparisjóður Arnarneshrepps
Sparisjóður Arnarneshrepps var stofnaður en hann sameinaðist Sparisjóði Akureyrar (stofnuðum 1932) árið 1988 í Sparisjóð Akureyrar og Arnarneshrepps. Árið 1908 var sparisjóður Glæsibæjarhrepps stofnaður sem sameinaðist síðar Sparisjóði Arnarneshrepps og Akureyrar í Sparisjóð Norðlendinga.
Útvegsbanki Íslands
Útvegsbanki Íslands hf. var stofnaður í apríl 1930 og yfirtók eignir og skuldir gamla Íslandsbanka sem var lokað skömmu áður. Útvegsbankinn átti sérstaklega að styðja sjávarútveg, iðnað og verslun.
Iðnlánasjóður
Í kreppunni milli 1930 og 1940 var Iðnlánasjóður stofnaður til að renna stoðum undir innlendan iðnað. Hann átti að lána til kaupa á vélum og stærri áhöldum en veitti einnig rekstrarlán.
Iðnaðarbanki Íslands
Iðnaðarbanki Íslands hf. var opnaður árið 1953 og hafði það hlutverk að styðja við verksmiðjuiðnað í handiðn í landinu.
Sparisjóður Kópavogs
Sparisjóður Kópavogs var stofnaður árið 1954.
Sparisjóður vélstjóra
Sparisjóður vélstjóra var stofnaður árið 1961.
Verzlunarbanki Íslands
Vegur verslunar jókst eftir því sem leið á 20. öldina og var Verzlunarbanki Íslands stofnaður árið 1961 að frumkvæði íslenskra kaupmanna.
Iðnþróunarsjóður Íslands
Árið 1970 ákváðu ríkisstjórnir Norðurlanda að stofna iðnþróunarsjóð fyrir Ísland til að auðvelda íslenskum iðnaði að aðlagast nýjum markaðsaðstæðum í kjölfar aðildar að EFTA.
Alþýðubankinn
Íslenskt verkafólk eignaðist eigin banka árið 1971 þegar Alþýðubankinn hf. var opnaður. Markmið bankans var meðal annars að treysta atvinnuöryggi launafólks og efla atvinnuþróun.
Kreditkort
Nokkrir frumkvöðlar tóku sig saman og stofnuðu fyrsta greiðslukortafyrirtæki á Íslandi, Kreditkort hf. Fyrstu útgefnu kortin voru Eurocard kort sem að síðar breyttust í Mastercard en fyrirtækið hefur ávallt verið leiðandi á markaði.
Íslandsbanki
Tímamót urðu í fjármálalífi Íslendinga í ársbyrjun 1990 þegar stærsti einkabanki landsins leit dagsins ljós. Íslandsbanki hf. varð til við sameiningu Alþýðubanka, Iðnaðarbanka, Útvegsbanka og Verzlunarbanka.
Sparisjóður Norðlendinga
Sparisjóður Norðlendinga var stofnaður við sameiningu Sparisjóðs Glæsibæjarhrepps og Sparisjóðs Arnarneshrepps og Akureyrar.
FBA
Fjárfestingarbanki atvinnulífsins hf. hóf starfsemi sína árið 1998. Hann tók við starfsemi Fiskveiðasjóðs, Iðnlánasjóðs og Iðnþróunarsjóðs. Markmiðið með stofnun FBA var að styrkja stoðir fjármálamarkaðarins og draga úr eignarhaldi ríkisins.
Íslandsbanki og FBA
Árið 2000 sameinuðust Íslandsbanki og Fjárfestingarbanki atvinnulífsins. Með samrunanum varð til öflugasta fyrirtækið á íslenskum fjármálamarkaði og leiðandi afl í viðskiptalífinu.
Íslandsbanki
Nafnið Íslandsbanki var tekið upp fyrir starfsemi bankans í heild árið 2001. Íslandsbanki var í fararbroddi við að innleiða nýjungar á íslenskum fjármálamarkaði. Í kjölfarið kaupir Íslandsbanki Sjóvá — Almennar tryggingar.
Alþjóðlegur vöxtur
Íslandsbanki hóf sókn á erlenda markaði árið 2004 með kaupum á Kreditbanken í Noregi. Starfsemin erlendis óx á næstu árum m.a. í Noregi og Svíþjóð. Opnaðar voru skrifstofur eða útibú í London, Kaupmannahöfn og víðar.
Glitnir
Íslandsbanki varð Glitnir árið 2006 og var bankinn með starfsemi víða um heim, t.d. á Norðurlöndum, í Bretlandi, Lúxemborg, Kína og Bandaríkjunum. Bankinn stækkaði ört ásamt íslenska bankakerfinu í heild. Bankinn seldi Sjóvá — Almennar tryggingar.
Byr sparisjóður
Sparisjóður Hafnarfjarðar og Sparisjóður vélstjóra sameinuðust árið 2006 og árið 2007 var nafninu breytt í Byr Sparisjóður. Árið 2007 sameinaðist Sparisjóður Kópavogs við Byr og ári síðar sameinaðist Sparisjóður Norðlendinga sömuleiðis við Byr.
Nýr banki verður til
Nýr Glitnir var stofnaður í nóvember 2008. Öll innlend starfsemi fluttist úr gamla bankanum í þann nýja og var bankinn í fullri eign íslenska ríkisins. Birna Einarsdóttir varð bankastjóri nýja bankans.
Íslandsbanki
Nýi Glitnir varð Íslandsbanki í febrúar 2009. Íslandsbanki var í fararbroddi við að bjóða úrlausnir til fyrirtækja og einstaklinga vegna fjárhagsvanda og fyrsti íslenski bankinn til að ljúka samningum við kröfuhafa á eins árs afmæli sínu. Ný stjórn var skipuð reynslumiklum erlendum og íslenskum sérfræðingum og var Birna Einarsdóttir áfram bankastjóri.
Íslandsbanki og Byr sameinast
Íslandsbanki keypti Byr hf. og bankarnir sameinuðust undir merkjum Íslandsbanka í lok árs 2011. Sameinaður banki byggði annars vegar á ríkri sögu sparisjóða á Íslandi og hins vegar sögu gamla Íslandsbanka frá 1904.
Kreditkort
Kreditkort var stofnað árið 1980 og var fyrsta fyrirtækið á Íslandi sem bauð upp á kreditkort. Fyrirtækið varð sjálfstæður kortaútgefandi árið 2008, þegar fyrirrennara þess var skipt upp í Kreditkort og Borgun. Árið 2011 keypti Íslandsbanki Kreditkort.
Auður Capital og Íslandsbanki
Auður Capital og Íslandsbanki komust að samkomulagi um að sameina séreignarsparnaðarvörur sínar, FramtíðarAuði og Lífeyrissparnað Íslandsbanka, undir heitinu Framtíðarauður VÍB. Sjóðfélagar í Framtíðarauði VÍB urðu um 15.800 talsins eftir sameininguna.