Ný skýrsla um fjármál HM

Heimsmeistaramótið mun kosta Rússa að lágmarki 1.200 milljarða króna.

Skýrsluna má nálgast hér

Það kostar sitt að halda heimsmeistaramót í knattspyrnu en fjallað er um fjármál HM í nýrri skýrslu Íslandsbanka. Þar kemur meðal annars fram að:

Helstu niðurstöður

  • Um 95% tekna FIFA 2015-2018 verða vegna HM
  • Þrátt fyrir að eiga vera rekið án hagnaðarsjónarmiða hefur FIFA safnað um 166 milljarða króna varasjóði.
  • Verði HM 2026 haldið í Bandaríkjunum, Kanada og Mexíkó er reiknað með að hagnaður FIFA af mótinu verði á við samanlagðan hagnað af HM 2006, 2010, 2014 og 2018.
  • Lögfræðikostnaður FIFA vegna rannsókna á spillingarmálum hefur numið um 8 milljörðum króna.
  • Sé leiðrétt fyrir falli rúblunnar er kostnaður vegna leikvanga mótsins kominn 150% fram úráætlunum.
  • Rússar hyggjast leggja um 20 milljarða króna í að halda leikvöngum opnum og í reglulegri notkun að loknu móti þar sem þeir eru allt of stórir fyrir rússneskan fótbolta og liðin sem eiga að taka við þeim.

Kynning á skýrslu

Björn Berg Gunnarsson, fræðslustjóri Íslandsbanka, kynnir niðurstöður skýrslunnar og ræðir í kjölfarið við Guðmund Benediktsson og Hermann Hreiðarsson fótboltakempur.