Íslandsbanki gefur út víkjandi skuldabréf að fjárhæð 750 milljónir sænskra króna


Íslandsbanki hefur í dag gefið út fyrsta skuldabréf bankans sem telur til víkjandi eiginfjárþáttar 1 (e. Additional Tier 1). Útgáfan er liður í bestun á efnahagsreikningi bankans og er að fjárhæð 750 milljónir sænskra króna með innköllunarheimild af hálfu útgefanda eftir 5 ár. Töluverð umframeftirspurn var eftir útgáfunni sem seld var til fjárfesta í Skandinavíu og á meginlandi Evrópu.

Útgáfan ber 475 punkta álag ofan á þriggja mánaða millibankavexti í sænskum krónum og felur í sér tímabundna niðurfærslu (e. temporary writedown) lækki hlutfall almenns eiginfjár þáttar 1 (e. CET 1) niður fyrir 5,125%. Búist er við að útgáfan fái lánshæfismatseinkunna BB- frá S&P Global Ratings. Stefnt er að skráningu skuldabréfanna í Kauphöllina á Írlandi þann 28. september 2021.

Ráðgjafi bankans í ferlinu var UBS Investment Bank. Umsjónaraðilar útboðsins voru Danske Bank A/S, Skandinaviska Enskilda Banken AB (Publ) og UBS Investment Bank.

Við erum gríðarlega ánægð með þessi jákvæðu viðbrögð við þessari tímamótaútgáfu. Útgáfan markar mikilvægt skref á vegferð bankans til að auka hagkvæmni í samsetningu efnahagsreikningsins en samtímis að viðhalda traustri eiginfjárstöðu. Áhugi erlendra fjárfesta ber vitni um mikið traust til Íslandsbanka og íslensks efnahagsumhverfis. Við höfum unnið hörðum höndum undanfarin ár að byggja upp sambönd við evrópska fjárfesta og þá sérstaklega í Skandinavíu og metum við þau tengsl mikils. Öll víkjandi útgáfa bankans til þessa hefur verið í sænskum krónum og er útgáfa þessa skuldabréfs víkjandi eiginfjárþáttar 1 næsti kafli sögunnar.

Birna Einarsdóttir
bankastjóri Íslandsbanka:

Nán­ari upp­lýs­ing­ar veita


Mar­grét Lilja Hrafn­kels­dótt­ir


Fjárfestatengill

Senda póst

Björn Berg Gunnarsson


Samskiptastjóri

Senda póst